شەتەلدەن تابىس الاتىن قازاقستاندىقتار سالىقتى قالاي تولەيدى

اقتاۋ. قازاقپارات - ماڭعىستاۋ وبلىسى بويىنشا مەملەكەتتىك كىرىستەر دەپارتامەنتى قازاقستانننان تىس جەردەن تابىس العان جەكە تۇلعالار جەكە تابىس سالىعى بويىنشا دەكلاراتسيا تاپسىرۋعا جانە وسىنداي كىرىستەن سالىق سوماسىن تولەۋگە مىندەتتى ەكەنىن ەسكە سالدى، دەپ حابارلايدى قازاقپارات.

سالىقتى ەسەپتەۋ جەكە تابىس سالىعى بويىنشا دەكلاراتسيادا (240.00 نىسانى) جۇرگىزىلەدى، ول 2022 -جىلعى 31-ناۋرىزدان كەشىكتىرىلمەي تۇرعىلىقتى جەرى بويىنشا مەملەكەتتىك كىرىستەر ورگانىنا ۇسىنىلۋى ءتيىس. بۇل مەرزىم 2021 -جىلى الىنعان تابىس بويىنشا بەلگىلەنگەن. سالىق كەزەڭىنىڭ قورىتىندىسى بويىنشا سالىق تولەۋشى 2022 -جىلعى 10-ساۋىردەن كەشىكتىرمەي، تابىستىڭ %10 مولشەرىندە تولەيدى. دەكلاراتسيانى جەكە تۇلعالار تۇرعىلىقتى جەرى بويىنشا سالىق ورگانىنا قاعاز تۇرىندە جانە «e -Salyq Azamat» ءموبيلدى قوسىمشاسى نەمەسە سالىق تولەۋشىنىڭ كابينەتى ارقىلى cabinet.salyk.kz پورتالىندا ەلەكتروندىق نىساندا تاپسىرا الادى.