قازاقستان «جەر ساعاتى» دۇنيەجۇزىلىك اكسياسىنا قاتىسادى
«جەر ساعاتى» - دۇنيەجۇزىلىك جابايى تابيعات قورىنىڭ (WWF) باستاماسىمەن 2007 -جىلدان بەرى بۇكىل الەمدە وتكىزىلىپ كەلە جاتقان ەڭ اۋقىمدى حالىقارالىق ەكولوگيالىق شارا. اتالعان شاراعا 180 ەل، 7 مىڭ قالا قاتىسادى. جىل سايىنعى ءداستۇر بويىنشا ناۋرىز ايىنىڭ سوڭعى سەنبىسىندە ەل تۇرعىندارى ساعات 20:30 دان 21:30 عا دەيىن ءۇيى مەن پاتەرىندەگى شامدار مەن تۇرمىستىق ەلەكتر قۇرالدارىن وشىرەدى. بۇل اكسياعا مەملەكەتتىك جانە جەكە تۇلعالار دا قولداۋ كورسەتەدى. بيىل قازاقستاندا وتەتىن «جەر ساعاتى» اكتسياسى ەكوتۋريزم تاقىرىبىنا ارنالىپ وتىر.
ەكوتۋريست بولۋ ءۇشىن تابيعاتتى ساقتاۋعا جانە جەرگىلىكتى حالىقتىڭ ەكونوميكالىق دامۋىنا ۇلەس قوسۋ كەرەك. سونداي- اق، اكسيا بارىسىندا نۇر- سۇلتان قالاسى بويىنشا «اقوردا» رەزيدەنتسياسى، بايتەرەك، تريۋمفالدى اركا، «استانا وپەرا»، نازاربايەۆ ۋنيۆەرسيتەتىندە جانە قالانىڭ باسقا دا ءىرى نىساندارىندا بۇكىل ەلەكتر ەنەرگياسى وشىرىلەدى. ال، الماتى قالاسىندا «قازاقستان» قوناق ءۇيىنىڭ عيماراتىندا، ق ب ت ۋ جانە تاعى باسقا ءىرى نىسانداردا جارىق ۋاقىتشا سوندىرىلەدى. ايتا كەتەيىك، دۇنيەجۇزى بويىنشا وتەتىن ەكولوگيالىق اكسياعا كەز كەلگەن ادام قاتىسىپ، ۇلەسىن قوسا الادى. ول ءۇشىن جەرگىلىكتى ۋاقىت بويىنشا كەشكى ساعات 20:30 دا 1 ساعاتقا عيماراتتىڭ (تۇرعىن ءۇي، مەكەمە تاعى سول سياقتى) جارىعىن ءسوندىرۋ كەرەك.
