مەكەمە ىشىندە ماسكا تاعۋ مىندەتتى ەمەس: قاۋلىعا قول قويىلدى

«قازاقستان رەسپۋبليكاسىنداعى كوروناۆيرۋس ينفەكتسياسىنىڭ پروفيلاكتيكا شارالارى تۋرالى» ق ر باس مەملەكەتتىك سانيتاريالىق دارىگەرىنىڭ 2022-جىلعى 25 - ناۋرىزداعى 16№ قاۋلىسىنا قول قويىلدى.

وسى قاۋلىمەن «قازاقستان رەسپۋبليكاسىنىڭ حالقى اراسىندا كوروناۆيرۋس ينفەكسياسى اۋرۋىنىڭ الدىن الۋ جونىندەگى شارالاردى ودان ءارى كۇشەيتۋ تۋرالى» 2022-جىلعى 14 - ناۋرىزداعى 12№ قاۋلىنىڭ كۇشى جويىلدى.

جاڭا قاۋلىعا سايكەس:

- ماسكا كيۋ مىندەتتى بولىپ تابىلاتىن مەديتسينالىق ۇيىمداردى (پەرسونال، قىزمەتكەرلەر، پاتسيەنتتەر، كەلۋشىلەر) قوسپاعاندا ءۇي-جايلاردا مىندەتتى تۇردە ماسكا كيۋ الىنىپ تاستالدى.

سونداي-اق حالىق كوپ جينالاتىن ورىنداردا، قوعامدىق جانە اۋە كولىكتەرىندە، ۇيىمداسقان ۇجىمداردا مەديتسينالىق ماسكانى پايدالانۋ ۇسىنىم سيپاتىندا قالدىرىلدى؛

- وبەكتىلەردە سانيتاريالىق-ەپيدەميولوگيالىق رەجيمدى ساقتاۋ بويىنشا ەرەكشە تالاپتار الىنىپ تاستالدى.

قاۋلىنىڭ تولىق ماتىنىمەن ق ر دەنساۋلىق ساقتاۋ مينيسترلىگى سانيتاريالىق-ەپيدەميولوگيالىق باقىلاۋ كوميتەتىنىڭ سايتىندا تانىسۋعا بولادى.