ەردوعان رەسەي مەن ۋكراينا باسشىلارىن كەزدەستىرۋگە كۇش سالاتىنىن ايتتى

نۇر- سۇلتان. قازاقپارات - ال تۇركيا پرەزيدەنتى رەجەپ تايىپ ەردوعان قارۋلى قاقتىعىستى توقتاتۋ ءۇشىن ۋكراينا مەن رەسەي باسشىلارىن كەزدەستىرمەك، دەپ حابارلايدى «حابار 24».

تۇركيا باسشىسى بۇل تۋرالى ناتو سامميتى اياقتالعان سوڭ مالىمدەدى. ال سولتۇستىك اليانستىڭ باسقوسۋىنىڭ ءوز ماقساتى بارىن جانە سول ۇدەدەن شىقپاعانىن جەتكىزدى.

رەجەپ تايىپ ەردوعان، تۇركيا پرەزيدەنتى:

- ءبىزدىڭ بۇگىنگى سامميتە قابىلداعان شەشىمدەرىمىز تەك ناتو- نىڭ قارسىلاسىن تەجەۋ جۇيەسى مەن قورعانىسىن نىعايتۋعا باعىتتالدى. ءبىز اليانستىڭ رەسەيگە نەمەسە باسقا ەلدەرگە قاۋىپ ءتوندىرۋ ءۇشىن باس قوسپاعانىن تاعى ءبىر مارتە كورسەتتىك.

www.24.kz