ە و رەسەي گازىنان باس تارتۋعا كۇش سالماق

None
None
نۇر- سۇلتان. قازاقپارات - ەۋروپالىق وداق رەسەي گازىنان تاۋەلدىلىكتى ازايتۋ ءۇشىن ا ق ش- تان سۇيىتىلىعان گاز جەتكىزۋدى ارتتىرا تۇسپەك، دەپ حابارلايدى «حابار 24».

ماسەلە كەشە ەۋروپالىق وداق سامميتىندە تالقىلاندى. باسقوسۋعا ا ق ش پرەزيدەنتى دجو بايدەن دە قاتىستى. كەزدەسۋدە ۇيىم ەلدەرى ەۋروپاداعى قويمالاردى تولتىرۋ ءىسىن قولعا الۋعا كەلىستى. ءبىراق وداق رەسەيدىڭ كوگىلدىر وتىنىنان ءدال قازىر تۇگەلدەي باس تارتا المايتىنىن ايتادى.

الەكساندر دە كرو، بەلگيا پرەمەر- ءمينيسترى:

- سانكسيالار ەۋروپادان گورى رەسەيگە ىقپال ەتۋى كەرەك. ءبىز ءوز- وزىمىزبەن سوعىسىپ جاتقان جوقپىز. سوندىقتان ءبىزدى السىرەتەتىن شەكتەۋلەرگە بارمايمىز. مۇنداي شارالاردىڭ ەۋروپالىق ەكونوميكاعا كەرى اسەرى بولادى. وسى سەبەپتى مۇنىڭ قاجەتى جوق دەپ ويلايمىن.

ەۋروپالىق وداق رەسەيدىڭ ءوز ەنەرگەتيكالىق رەسۋرستارىن العا تارتىپ، قىسىم جاساۋعا جول بەرمەيتىنىن ايتتى. سامميت الدىندا ەۋروكوميسسيا باسشىسى ۋرسۋلا فون دەر ليايەن ماسكەۋدىڭ وداققا جەتكىزىلەتىن كوگىلدىر گاز ءۇشىن رۋبلمەن ەسەپ ايىرىسۋ تۋرالى مالىمدەمەسىن سانكسيالىق رەجيمدى بۇزۋ دەدى. ال رەسەي سىرتقى ىستەر مينيسترلىگى پرەزيدەنت ۆلاديمير پۋتيننىڭ شەشىمىن بىلاي دەپ ءتۇسىندىردى.

ماريا زاحاروۆا، ر ف سىرتقى ىستەر مينيسترلىگىنىڭ باسپا ءسوز حاتشىسى:

- بۇل رەسەي ەكونوميكاسى جانە بۇكىل حالقىمىز ءۇشىن ۇلكەن جەتىستىك. ويتكەنى بىزدە ۇلتتىق ۆاليۋتامىز بار جانە ونى وسىنداي دەڭگەيگە سوزبەن ەمەس، ىسپەن جەتكىزۋگە بولادى. ال كەشە تاريحي شەشىم قابىلدانىپ، حالقىمىز وعان قولداۋ ءبىلدىردى.

ايتا كەتەيىك، ەۋروپالىق وداق تابيعي گازدىڭ 90 پروتسەنتىن يمپورتتايدى. ونىڭ 40 پروتسەنتى رەسەيدەن تاسىمالدانادى. سوندىقتان ەۋروپالىق وداق رەسەيدىڭ ەنەرگەتيكالىق رەسۋرستارىنان بىردەن باس تارتۋ ماسەلەسىنەدە قيىنشىلىققا تاپ بولىپ وتىر.

www.24.kz


سوڭعى جاڭالىقتار