اۆستراليا مەن جاپونيا رەسەيگە جاڭا سانكسيا ءتىزىمىن جاريا ەتتى

نۇر- سۇلتان. قازاقپارات - اۆستراليا مەن جاپونيا رەسەيگە قارسى جاڭا سانكسيالار ءتىزىمىن جاريالادى، دەپ حابارلايدى «حابار 24».

بۇل تۋرالى ەكى ەلدىڭ دە بيلىك وكىلدەرى حابارلادى. جاپونيا بيلىگى رەسەيدەگى 80 كومپانيا مەن 25 رەسەيلىك ازاماتقا قاتىستى شەكتەۋ ەنگىزگەن. ولاردىڭ اراسىندا پرەزيدەنتتىڭ باسپا ءسوز حاتشىسى دميتري پەسكوۆ پەن ونىڭ وتباسى مۇشەلەرى بار. وسىلايشا جاپونيا سالعان سانكسيالار ءتىزىمى 101 ەسىمگە جانە 130 ۇيىمعا دەيىن تولىقتى.

ال، اۆستراليا تاراپىنىڭ حابارلاۋىنشا، شەكتەۋلەرگە جالعان اقپارات تاراتاتىن 22 رەسەيلىك ناسيحاتتاۋشى ىلىككەن. جالپى اۆستراليا بيلىگى ۋكرايناداعى شيەلەنىس باستالعالى رەسەيگە قاتىستى 500-گە جۋىق سانكتسيا قابىلدادى.