اتىراۋدا دەسترۋكتيۆتى ءدىني اعىم وكىلىنەن تاپانشا تاركىلەندى

None
None
اتىراۋ. قازاقپارات - اتىراۋدا دەسترۋكتيۆتى ءدىني اعىم وكىلىنەن تاپانشا تاركىلەندى، دەپ حابارلايدى قازاقپارات.

وبلىستىق پوليتسيا دەپارتامەنتىنىڭ باستىعى نۇرىم ورازبايەۆتىڭ ايتۋىنشا، 31 جاستاعى ەر ادام قارۋدى زاڭسىز ساقتاپ، تاسىمالداعان.

«پوليتسيا دەپارتامەنتىنىڭ قىزمەتكەرلەرى «قۇقىقتىق ءتارتىپ» جەدەل- پروفيلاكتيكالىق ءىس- شاراسى كەزىندە دەسترۋكتيۆتى ءدىني اعىم وكىلىنەن سەريا ءنومىرى وشىرىلگەن «وسا» ماركالى تراۆماتيكالىق تاپانشانى تاۋىپ، تاركىلەدى. قارۋعا ساراپتاما تاعايىندالدى. كۇدىكتىنىڭ بۇرىن سوتتى بولعانى انىقتالدى» - دەدى پوليتسيا پولكوۆنيگى نۇرحات ورازبايەۆ.

قازىر كۇدىكتىگە قاتىستى ق ر قىلمىستىق كودەكسىنىڭ 287-بابىنىڭ 2-بولىگىمەن سوتقا دەيىنگى تەرگەپ- تەكسەرۋ امالدارى باستالدى.

اۆتور: بەك مۇستافا


سوڭعى جاڭالىقتار