كۇرىش قىمباتتاۋى مۇمكىن

None
نۇر-سۇلتان.قازاقپارات - كۇرىش قىمباتتاۋى مۇمكىن. بيىل سىرداريانىڭ دەڭگەيى تاعى تومەن. ماماندار جاعداي بىلتىرعىدان دا قيىن بولادى دەپ بولجاپ وتىر.

ونىڭ ۇستىنە تىڭايتقىش پەن قوسالقى بولشەكتەر دە قىمباتتاعان. تىعىرىقتان شىعار جول بار ما؟ شيەلى اۋدانىنىڭ شەگەن قودامانوۆ اۋىلىنداعى ءىرى شارۋاشىلىق جىل سايىن مىڭ گەكتارعا كۇرىش ەگەتىن. بيىل 50 گەكتارعا ازايتپاق. ويتكەنى سۋ كولەمى ازايعان. القاپتى ودان ءارى ازايتۋعا مۇمكىندىگىم جوق. قارىزعا العان تەحنيكا مەن جۇمىسشىلاردىڭ ەڭبەكاقاسىن تولەۋدىڭ ءوزى قيىن بولىپ تۇر، دەيدى شارۋا قوجالىق ءتوراعاسى.

باۋىرجان كوپەيەۆ، شارۋا قوجالىعىنىڭ ءتوراعاسى:

- تەحنيكامىز ليزينگتە كرەديتتە تۇر. تىڭايتقىشتىڭ 2-3 ەسەگە قىمباتتاپ كەتكەنى بار. جانار- جاعارماي. جالپى قيىن بولىپ تۇر ەندى. سۋ ماسەلەسى بىزگە شەشىلسە، شارۋالارعا قاتتى اسەرىن بەرىپ تۇر قازىر. بيىلعى جىلدىڭ وزىندە بىلتىرعىعا قاراعاندا 20-30 پايىز سۋ از بولادى دەپ جوسپارلانۋدا. بىلتىر 12 مىڭ گەكتارعا كۇرىش ەككەن شيەلى اۋدانى بيىل ونىڭ كولەمىن مىڭ گەكتارعا ازايتىپ وتىر.

مامانداردىڭ ايتۋىنشا، سىرداريا وزەنىمەن كەلەتىن سۋ كولەمى وتكەن جىلعىدان 30 پروتسەنتكە از بولۋى مۇمكىن. سوندىقتان سۋدى از قاجەت ەتەتىن داقىلدار ەگىپ، سۋ ارنالارىن تازارتۋ جۇمىستارى قولعا الىنعان.

مۇرات اشىربەكوۆ، شيەلى اۋداندىق اۋىل شارۋاشىلىعى ءبولىمىنىڭ باسشىسى:

- ەلەكترلىك 12 ناسوس، ديزەلدىك 9 ناسوس جوسپارلاپ وتىرمىز. سونىمەن قوسا وسى سۋ تاپشىلىعىنا بايلانىستى بيىلعى نەگىزگى ءداندى داقىلداردان 2731 گەكتارعا ارتتىرىپ وتىرمىز جانە كارتوپ، كوكونىس، قىزاناقتى 310 گەكتارعا ۇلعايتىپ وتىرمىز.

ەرسۇلتان اپەتوۆ، شيەلى اۋدانى اكىمىنىڭ ورىنباسارى:

- ماسەلەن 2021 -جىلعا ماقسارى، سويا، ارپا، سۇلى سونداي داقىلداردى ءبىز ەكتىرگەنبىز. بىلتىر سويانى 70 گەكتارعا ەككەن بولسا، بيىل 150 گەكتارعا كوبەيتىپ وتىرمىز. ماقسارىنى 1000 گەكتارعا كوبەيتىپ وتىرمىز. ويتكەنى ول داقىلدار سۋدى ونشا كوپ قاجەت ەتپەيدى. جىل سايىن «كوكساراي سۋ رەتتەگىشىنە» 2 ميلليارد تەكشەمەتر تىرشىلىك ءنارى جينالاتىن ەدى. قازىر بۇل دا جوق. وتكەن جىلى سىر ديقاندارى ءار تامشىنى ۇنەمدەۋدىڭ ارقاسىندا، تىعىرىقتان شىققان. بيىل جاعداي ءتىپتى قيىن بولادى، - دەيدى ماماندار. دەگەنمەن ءۇمىت بار.

سەرىك قوجانيازوۆ، ق ر ەكولوگيا، گەولوگيا جانە تابيعي رەسۋرستار ۆيتسە- ءمينيسترى:

- سوڭعى 1 اپتانىڭ كولەمىندە جوعارى جاقتا جاۋىن- شاشىن كوبىرەك بولىپ، شاردارادا سۋدىڭ مولشەرىن كوبەيىپ جاتىر. بۇگىنگى تاڭدا 1100 كۋب مەتر سۋ كەلىپ جاتىر. سونى كەشەدەن باستاپ تومەن قاراي جىبەرىپ جاتىرمىز. 400 ميلليون كوكسارايعا جينايمىز دا قالعانىن تومەن قاراي. بۇنىڭ ءبىر جاقسى جەرى كوكتەمدە ىزالاۋ جۇمىستارى باستالعاندا كۇرىششىلەر سۋ الا باستاعان كەزدە داريادا سۋ بولۋ كەرەك. جاڭاقورعان اۋدانىنىڭ برەندىنە اينالعان قاربىز القابى قىسقاراتىن بولدى. ورنىنا جۇگەرى ەگىلەدى. ول ءۇشىن جەراستى سۋ كوزدەرىن شاحتالىق ادىسپەن پايدالانۋ كوزدەلگەن. قالاي دەگەنمەن سىرداريا دەڭگەيىنىڭ تومەندەۋى - شارۋالار مەن مامانداردىڭ سۋارمالى سۋ تاپشىلىعىنان امالداپ شىعۋدىڭ ءتۇرلى تەتىكتەرىن تابۋعا تۇرتكى بولىپ وتىر.

نۇرلان جاقىپبەكوۆ، ءالحايدار تۇرلىحانوۆ


www.24.kz

سوڭعى جاڭالىقتار