پراگادا «احمەت بايتۇرسىن ۇلى جانە الاش» كىتابىنىڭ تۇساۋكەسەرى ءوتتى

None
None
پراگا. قازاقپارات - پراگادا قازاق عالىمى، اعارتۋشىسى، قوعام جانە ساياسي قايراتكەرى احمەت بايتۇرسىن ۇلىنىڭ 150 جىلدىعىنا، سونداي-اق «الاش» قوزعالىسىنىڭ مادەني مۇراسىنا ارنالعان دوڭگەلەك ۇستەل وتىرىسى ءوتتى، دەپ حابارلايدى قازاقپارات.

ق ر سىرتقى ىستەر مينيسترلىگىنەن ءمالىم ەتكەندەي، ءىس-شارا اياسىندا قازاقستان رەسپۋبليكاسىنىڭ چەح رەسپۋبليكاسىنداعى ەلشىلىگىنىڭ باستاماسىمەن «احمەت بايتۇرسىن ۇلى جانە الاش» كىتابىنىڭ تۇساۋكەسەرى ءوتتى.

كىتاپ العاش رەت چەح جانە اعىلشىن تىلدەرىنە اۋدارىلىپ، وعان قازاق مادەنيەتىنىڭ كورنەكتى قايراتكەرلەرى مەن قازىرگى زامانعى «الاش تانۋشى» عالىمداردىڭ ەڭبەكتەرى ەندى.

قازاق تىلىنەن اعىلشىن تىلىنە اۋدارۋدى قازاقستان رەسپۋبليكاسىنىڭ ۇلتتىق اۋدارما بيۋروسى جۇزەگە اسىردى.

«ءىس-شارا بارىسىندا قازاق مەملەكەتتىلىگىن قالىپتاستىرۋ ماسەلەلەرى تالقىلانىپ، قازاقستاننىڭ تاۋەلسىزدىك كەزەڭىندەگى جەتىستىكتەرى تۋرالى سىندارلى پىكىر الماسۋ بولدى. ا. بايتۇرسىن ۇلى مەن «الاش» قوزعالىسىنىڭ ەل تاريحى مەن ۇلتتىق ساناسىن قالىپتاستىرۋداعى بىرەگەي ءرولى اتاپ ءوتىلدى»، - دەلىنگەن ق ر س ءى م حابارلاماسىندا.

تانىمال چەح عالىمى، پروفەسسور ييرجي شيما ءوز سوزىندە: «مەن ءوز حالقىم مەن ەلىمنىڭ تاريحىن زەرتتەپ قانا، وتكەن عاسىردىڭ سوڭىندا جاڭادان پايدا بولعان تاۋەلسىزدىكتىڭ ەرەكشە قۇندىلىعىن تۇسىنە باستايتىندىعىما سەنىمدىمىن»، - دەپ اتاپ ءوتتى.

كەزدەسۋگە قاتىسۋشىلار ۇلتتىق تاريحتى جان-جاقتى جانە تەرەڭ زەرتتەۋدىڭ ماڭىزدىلىعىن اتاپ ءوتتى.

قازاقستاندىق تاراپتان ونلاين فورماتتا «ەگەمەن قازاقستان» رەسپۋبليكالىق گازەتى» ا ق باسقارما ءتوراعاسى دارحان قىدىرالى، ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى زيابەك قابىلدينوۆ، ا. بايتۇرسىن ۇلى اتىنداعى ءتىل ءبىلىمى ينستيتۋتىنىڭ ديرەكتورى انار فازىلجانوۆا، ق ر ب ع م عىلىم كوميتەتىنىڭ مەملەكەت تاريحى ينستيتۋتى ديرەكتورىنىڭ ورىنباسارى بۇركىتباي اياعان، ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى ساتاي سىزدىقوۆ، ە. ا. بۋكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ ەتنومادەني جانە تاريحي-انتروپولوگيالىق زەرتتەۋلەر ورتالىعىنىڭ جەتەكشىسى زاۋرەش ساقتاعانوۆا، م. ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ پروفەسسورى التايى ورازبايەۆا قاتىستى.

قازاقستان ەلشىلىگى كارلوۆ ۋنيۆەرسيتەتىنە «احمەت بايتۇرسىن ۇلى جانە الاش» كىتاپتارىن چەح جانە اعىلشىن تىلدەرىندە سىيعا تارتتى.

ايتا كەتەيىك، احمەت بايتۇرسىن ۇلىنىڭ 150 جىلدىق مەرەيتويى 2022-جىلى اتالىپ وتىلەتىن يۋنەسكونىڭ ايتۋلى مەرەيتويلار تىزىمىنە قوسىلعان بولاتىن.

سوڭعى جاڭالىقتار