كارىم ءماسىموۆتىڭ ءىسى بويىنشا تىڭ دەرەك شىقتى

None
None
نۇر-سۇلتان. قازاقپارات - ۇ ق ك بۇرىنعى باسشىسى كارىم ءماسىموۆتى قاماۋعا الۋ مەرزىمى ۇزارتىلدى، دەپ حابارلايدى Bugin.kz پورتالى.

ول ق ر قىلمىستىق كودەكسىنىڭ بەس بابى بويىنشا تەرگەلىپ جاتىر.

«25- اقپاندا نۇر-سۇلتان قالاسىنىڭ تەرگەۋ سوتى كارىم ماسىموۆكە قاتىستى قاماۋعا الۋ تۇرىندەگى بۇلتارتپاۋ شاراسىن ءۇش ايعا ۇزارتتى»، - دەلىنگەن ۇ ق ك- نىڭ Informburo.kz-كە بەرگەن جاۋابىندا.

تەرگەۋ توبى ءماسىموۆتى جانە باسقا دا تۇلعالاردى ق ر قىلمىستىق كودەكسىنىڭ كەلەسى باپتارى بويىنشا تەرگەپ جاتقانىن حابارلادى:

- 366-باپتىڭ 4-بولىگى - پارا الۋ؛

- 362-باپتىڭ 4-بولىگىنىڭ 3-تارماعى - بيلىكتى نەمەسە لاۋازىمدىق وكىلەتتىكتەردى اسىرا پايدالانۋ؛

- 175-باپتىڭ 1-بولىگى - مەملەكەتكە وپاسىزدىق جاساۋ؛

- 179-باپتىڭ 3-بولىگى - ق ر كونستيتۋتسياسىن بۇزىپ، بيلىكتى كۇشپەن باسىپ الۋعا نەمەسە بيلىكتى كۇشپەن ۇستاپ تۇرۋعا نە قازاقستان رەسپۋبليكاسىنىڭ كونستيتۋتسيالىق قۇرىلىمىن كۇشتەپ وزگەرتۋگە باعىتتالعان ارەكەتتەر؛

- 218-باپتىڭ 3-بولىگى - قىلمىستىق قۇقىق بۇزۋشىلىقتاردان تۇسكەن تابىستار بولىپ تابىلاتىن مۇلىكتى كونۆەرسيالاۋ نەمەسە اۋدارۋ تۇرىندە مامىلەلەر جاساسۋ ارقىلى قىلمىستىق جولمەن الىنعان اقشانى جانە وزگە مۇلىكتى زاڭدى اينالىمعا تارتۋ نە مۇنداي مۇلىكتى يەلەنۋ جانە پايدالانۋ.

ايتا كەتەيىك، باس پروكۋراتۋرانىڭ سوڭعى ۇسىنعان مالىمەتى بويىنشا ول 17 جىلعا سوتتالۋى مۇمكىن.


سوڭعى جاڭالىقتار