نۇر-سۇلتاندا كوروناۆيرۋس بويىنشا ەپيدەميولوگيالىق احۋال قانداي
ۆەدومستۆو مالىمەتىنشە، قازىرگى ۋاقىتتا ينفەكتسيالىق توسەكتەر %12 جۇكتەلگەن. 24- ناۋرىز كۇنگى دەرەككە سايكەس، ستاتسيونارلاردا كۆي جۇقتىرعان 39 پاتسيەنت جاتىر. ونىڭ ىشىندە وكپەنى جاساندى جەلدەتۋ اپپاراتىنا 3 ادام قوسىلعان، 12 ادام رەانيماتسيادا ەم قابىلداۋدا.
قالادا كوروناۆيرۋس ينفەكسياسىنان ءولىم-ءجىتىم تومەندەگەن. دەنساۋلىق ۆەدومستۆوسى بۇعان ك ۆ ي- گە قارسى ۆاكسيناتسيا ايتارلىقتاي ىقپال ەتكەنىن اتاپ وتۋدە.
سونداي-اق بالالار مەن جۇكتى ايەلدەر اراسىندا دا ينفەكتسيا ازايدى. قازىر ىندەتتى جۇقتىرعان جۇكتى 2 ايەل ەم قابىلداۋدا.
ينفەكتسيالىق توسەك جۇكتەمەسىنىڭ تومەن بولۋىنا بايلانىستى 275 ورىن بوس. ونىڭ ىشىندە 54 توسەك رەانيماتسيادا ورنالاسقان.
«ەلوردادا 490 مىڭنان استام ادام تولىق يممۋنداۋدان ءوتتى. بۇل بەلگىلى ءبىر يممۋندىق قاباتتى قالىپتاستىردى»، دەدى قالالىق دەنساۋلىق ساقتاۋ باسقارماسىنان.
ال 102 مىڭنان استام تۇرعىن ريەۆاكسيناتسيادان ءوتتى.
