رەسەي قازاقستان مەن موڭعوليا شەكاراسى ارقىلى وتۋگە شەكتەۋدى الىپ تاستادى
بۇل تۋرالى بەيسەنبى كۇنى جۋرناليستەرگە كوروناۆيرۋس ينفەكسياسىمەن كۇرەس جونىندەگى جەدەل شتابتان ءمالىم ەتتى، دەپ حابارلايدى قازاقپارات تاسس اگەنتتىگىنە سىلتەمە جاساپ.
«جاڭا كوروناۆيرۋس ينفەكسياسىنىڭ تارالۋىنىڭ الدىن الۋ جونىندەگى جەدەل شتاب 2022 -جىلعى 30- ناۋرىز، ماسكەۋ ۋاقىتىمەن ساعات 00:00-دەن باستاپ رەسەي- قازاقستان شەكاراسىنىڭ قۇرلىق ۋچاسكەسى ارقىلى قازاقستان ازاماتتارىنىڭ رەسەيگە كىرۋىنە جانە رەسەي ازاماتتارىنىڭ قازاقستانعا شىعۋىنا قويىلعان شەكتەۋلەردى الىپ تاستاۋ تۋرالى شەشىم قابىلدادى. سونداي- اق موڭعوليا ازاماتتارى رەسەيگە جانە رەسەي ازاماتتارى موڭعولياعا رەسەي- موڭعوليا شەكاراسىنىڭ قۇرلىق ۋچاسكەسى ارقىلى وتە الادى»، - دەپ حابارلادى شتاب.
شتاب مالىمەتىنشە، موڭعوليادان رەسەيگە كەلەتىن شەتەل ازاماتتارى مەن ازاماتتىعى جوق ادامدارعا دا شەكتەۋلەر الىنىپ تاستالدى. رەسەي 2021 -جىلدىڭ 1-جەلتوقسانىنان باستاپ موڭعوليامەن، 2020 -جىلدىڭ 21 - قىركۇيەگىنەن باستاپ قازاقستانمەن اۋە قاتىناسىن قالپىنا كەلتىردى.
اۆتور: سماعۇلوۆا ەركەجان
