15:12, 24 - ناۋرىز 2022 | GMT +6
ەرتىس بويىندا بالىق اۋلاپ ءجۇرىپ جوعالىپ كەتكەن ەكى ادام تابىلدى - ۆيدەو
پاۆلودار وبلىسى. قازاقپارات - پاۆلودار وبلىسىنىڭ اقتوعاي اۋدانىندا جوعالعان بالىقشىلار قۇتقارىلدى، دەپ حابارلايدى قازاقپارات.
23-ناۋرىزدا 22 ساعات 40 مينۋتتا پاۆلودار وبلىسى توتەنشە جاعدايلار دەپارتامەنتىنىڭ «112» پۋلتىنە اقتوعاي اۋدانى قاراوبا اۋىلىندا ەرتىس وزەنىنىڭ القابىندا بالىقشىلار جوعالىپ كەتكەنى تۋرالى حابارلاما كەلىپ ءتۇستى.
ىزدەۋ جۇمىسىنا اقتوعاي اۋدانىنىڭ № 15 ءورت ءسوندىرۋ ءبولىمىنىڭ جەكە قۇرامىنان 5 ادام، جەرگىلىكتى اتقارۋشى ورگاننان 2 ادام جانە «102» قىزمەتىنەن 1 ادام شىقتى.
ونىڭ بارىسىندا قاراوبا اۋىلىنان 12 شاقىرىم جەردە ەرتىس وزەنىنىڭ القابىندا 1981 جانە 1963 -جىلى تۋعان ەكى بالىقشى قۇتقارىلدى.
№ 15 ءورت ءسوندىرۋ ءبولىمىنىڭ قىزمەتكەرلەرى قۇتقارۋشىلار قايىر بەينبەت جانە ساپارعاليەۆ ايدوس بالىقشىلاردىڭ قولىنان دەمەپ، قوزعالۋعا كومەكتەستى. ازاماتتارعا مەديتسينالىق كومەك قاجەت بولعان جوق.