قىتايدىڭ شىڭجاڭ جانە ىشكى موڭعول ولكەلەرىنە شاڭدى داۋىل جاقىنداپ كەلەدى

None
None
بەيجىڭ. شينحۋا - قازاقپارات - قىتايدىڭ ۇلتتىق مەتەورولوگيالىق ورتالىعى بۇگىن ەلدىڭ ءبىرقاتار وڭىرىندە شاڭدى داۋىلعا بايلانىستى «كوك» دەڭگەيلى ەسكەرتۋدى جاڭارتتى، دەپ حابارلايدى قازاقپارات «شينحۋا» اگەنتتىگىنە سىلتەمە جاساپ.

ۆەدومستۆو بولجامىنا سايكەس، قۇم مەن شاڭ شىڭجاڭ- ۇيعىر جانە نينسيا- حۋەي، ىشكى موڭعوليا اۆتونوميالىق ولكەلەرىنە، سونداي-اق گانسۋ، شينحاي، حىبي جانە شانسي پروۆينسيالارىنىڭ كەي ايماقتارىنا ءتونىپ كەلەدى.

اتاپ ايتقاندا، شىڭجاڭ-ۇيعىر اۆتونوميالىق ولكەسى مەن ىشكى موڭعوليانىڭ كەي جەرلەرىندە شاڭدى داۋىل تۇرادى دەپ كۇتىلۋدە.

ۇلتتىق مەتەورولوگيالىق ورتالىق اتالعان ايماق تۇرعىندارىنا قاتتى جەل مەن شاڭدى داۋىلعا قارسى شارا قابىلداۋعا كەڭەس بەردى، ال كولىك جۇرگىزۋشىلەرىنە جول دۇرىس كورىنبەيتىنىنە دايىن بولۋدى ەسكەرتتى.

قىتايدا اۋا رايىنىڭ قولايسىزدىعىنا قاتىستى ەسكەرتۋدىڭ 4 ءتۇستى جۇيەسى بار. ەڭ قاۋىپتى جاعدايدا قىزىل ءتۇس، ودان كەيىنگى كەزەكتە قىزعىلت، سارى، كوك تۇسپەن بەلگىلەنەدى.


سوڭعى جاڭالىقتار