مەديتسينا ساپاسىنا قاتىستى الەمدىك رەيتينگتە قازاقستان نەشىنشى ورىندا تۇر
Energyprom.kz پورتالىنىڭ مالىمەتىنشە، قازاقستاننىڭ الەمدىك رەيتينگتەگى يندەكسى - 59,99. يندەكس جوعارى بولعان سايىن دەنساۋلىق ساقتاۋ جۇيەسى دە جاقسى دەگەن ءسوز.
جالپى، دەنساۋلىق ساقتاۋ جۇيەسى ساپاسىنىڭ يندەكسى مەديتسيالىق قىزمەتكەرلەردى، قۇرال- جاددىقتاردى، قىزمەت قۇنىن جانە باسقا دا جايتتاردى باعالاۋ ارقىلى تۇزىلەدى.
رەيتينگكە سايكەس، تايۆان، وڭتۇستىك كورەيا جانە جاپونيانىڭ دەنساۋلىق ساقتاۋ جۇيەسى ەڭ ۇزدىك سانالادى.
ەڭ ناشار كورسەتكىش ۆەنەسۋەلادا تىركەلگەن. ال رەيتينگكە قاتىساتىن ت م د ەلدەرى اراسىندا قازاقستاننىڭ دەنساۋلىق جۇيەسى ۇزدىك دەپ تانىلعان. بىزگە قاراعاندا رەسەي، ۋكراينا، جانە ازەربايجاننىڭ كورسەتكىشى تومەن. وسى جىلدىڭ اقپانىندا ەلىمىزدە امبۋاتورلىق قىزمەتتەردىڭ باعاسى 1 ايدا 1,8 پايىزعا، ال 1 جىلدا 6,4 پايىزعا قىمباتتادى.
ايلىق ديناميكادا دارىگەر- مامانداردىڭ قىزمەتى 6,1 پايىزعا، دارىگەرلەردىڭ العاش قابىلداۋى 2,1 پايىزعا، مەديتسينالىق زەرتحانالار مەن رەنتگەن كابينەتتەرىنىڭ قىزمەتتەرى 1,4 پايىزعا، ءتىس دارىگەرلەرىنىڭ قىزمەتى 0,6 پايىزعا ءوستى. 2020 -جىلى ەلىمىزدە بارلىق ماماندىق دارىگەرلەرىنىڭ (ءتىس دارىگەرلەرىن قوسپاعاندا) سانى - 76,4 مىڭ.
بۇل 2019 -جىلعى كورسەتكىشتەن 3,2 پايىزعا كوپ. ءاربىر 100 مىڭ تۇرعىنعا 405 دارىگەردەن كەلەدى.
نۇر-سۇلتان مەن الماتى قالالارى جانە قاراعاندى وبلىسى دارىگەرلەرمەن ءبىرشاما جوعارى دەڭگەيدە قامتىلعان. ال اقمولا، الماتى جانە تۇركىستان وبلىستارىندا دارىگەر جەتىسپەۋشىلىگى انىق بايقالادى. ەلىمىزدىڭ ءاربىر 100 مىڭ تۇرعىنعا 14 پروۆيزوردان، 21 فارماتسەۆتەن، 323 دارىگەر- ماماننان جانە 10 ءتىس دارىگەرىنەن كەلەدى.
