ب ۇ ۇ- نىڭ قاۋىپسىزدىك كەڭەسى رەسەيدىڭ ۋكرايناعا قاتىستى قارارىن قابىلداعان جوق

None
None
نۇر-سۇلتان.قازاقپارات - قۇجاتتا ۋكرايناداعى اسكەري قيمىلدار ءجۇرىپ جاتقان ايماقتاردان بەيبىت حالىقتى ەۆاكۋاتسيالاۋ ۇسىنىلعان، دەپ حابارلايدى «حابار 24».

بۇل ءۇشىن ماسكەۋ مەن كيەۆ گۋمانيتارلىق دالىزدەر اشۋعا كەلىسۋى كەرەك ەدى. قۇجاتتى تەك رەسەي مەن قىتاي عانا قولداپ داۋىس بەردى. كەڭەستىڭ قالعان 13 مۇشە ەلى قالىس قالدى. ا ق ش تاراپىنىڭ مالىمدەۋىنشە، ۋكرايندا گۋمانيتارلىق داعدارىس تۋدىرعان رەسەيدىڭ ءوزى، سويتە تۇرا مۇنداي قارار ۇسىنۋى ارسىزدىق.

ۆاسيلي نەبەنزيا، رەسەي فەدەراتسياسىنىڭ ب ۇ ۇ- داعى تۇراقتى وكىلى:

- ەڭ الدىمەن قاراردى دايىنداۋعا اتسالىسىپ، قولداۋ بىلدىرگەن ەلدەرگە العىسىمدى بىلدىرەمىن. ب ۇ ۇ- نىڭ قاراردى داۋىسقا سالۋى ۋكرايناعا گۋمانيتارلىق كومەك جەتكىزۋ ماسەلەسىن ساياسيلاندىرۋدىڭ كىمگە ماڭىزدى ەكەنىن كورسەتىپ بەردى.

ا ق ش پەن ءبىرقاتار ەل رەسەي فەدەراتسياسى ۇسىنعان قارارعا داۋىس بەرۋگە قاتىسپايتىنىن مالىمدەدى. ولاي بولسا نەگە قالىس قالدىڭىزدار؟ سىزدەر قالىس قالۋدىڭ ورنىنا قارسى داۋىس بەرە الاتىن ەدىڭىزدەر عوي. ءبىز سىزدەردىڭ قالىس قالۋلارىڭىزدىڭ نەگىزگى سەبەبىن جاقسى بىلەمىز.

ليندا توماس- گرينفيلد، ا ق ش- تىڭ ب ۇ ۇ- داعى تۇراقتى وكىلى:

- رەسەي قاۋىپسىزدىك كەڭەسىن تاعى دا ءوزىنىڭ قاتىگەز ارەكەتتەرىن جابۋ ءۇشىن قولدانىپ وتىر. رەسەيدىڭ حالىقارالىق قاۋىمداستىققا ءوزى جاساعان ءىسىن، ياعني گۋمانيتارلىق داعدارىستى شەشۋدى سۇراعان قارار ۇسىنۋى بارىپ تۇرعان ارسىزدىق. سوندىقتان قۇراما شتاتتار بۇل قۇجاتقا داۋىس بەرۋدەن قالىس قالادى. سەبەبى رەسەي گۋمانيتارلىق جاعدايدىڭ ناشارلاۋىنا ەش الاڭداپ وتىرعان جوق. ەگەر ولار بۇعان شىن جانى اشىسا سوعىستى توقتاتار ەدى.

رەسەي ا ق ش ديپلوماتتارىنىڭ ەلدەن كەتۋىن تالاپ ەتتى

ال رەسەي ا ق ش- تىڭ ماسكەۋدەگى ەلشىلىگىنە پەرسونا نون گراتا دەپ جاريالانعان ديپلوماتتاردىڭ ءتىزىمىن بەردى. بۇل شارا ەكى اپتا بۇرىن ۆاشينگتوننىڭ رەسەي ەلشىلىگىنىڭ 12 قىزمەتكەرىن ەلدەن شىعارۋ تۋرالى شەشىمىنە بايلانىستى قابىلدانعان. ءبىراق رەسەيدىڭ قانشا امەريكالىق ديپلوماتتىڭ ەلدەن كەتۋىن تالاپ ەتكەنى بەلگىسىز.


www.24.kz

سوڭعى جاڭالىقتار