بريۋسسەلدە «تۇساۋكەسەر» ءراسىمى وتكىزىلدى - فوتورەپورتاج

بريۋسسەل. قازاقپارات - قازاق حالقىنىڭ ماڭىزدى سالت- داستۇرلەرىنىڭ ءبىرى - «تۇساۋكەسۋ». بالانىڭ بولاشاقتاعى ءومىرى جەڭىل جانە جارقىن بولسىن دەگەن نيەتپەن ونىڭ اياعىنا الا ءجىپ بايلانىپ، پىشاقپەن كەسىلەدى.

بەلگياداعى ق ر ەلشىلىگى قازاقستاندىقتار مەن شەتەلدىڭ قوناقتارعا ارناپ وسىنداي ءداستۇر وتكىزدى، دەپ حابارلايدى قازاقپارات مەنشىكتى ءتىلشىسى.

«ناۋرىز مەيرامىنىڭ» قارساڭىندا قازاقستان ەلشىلىگىندە بەلگيادا تۇراتىن قازاقستاندىقتارعا، جەرگىلىكتى تۇرعىندارعا ارنالىپ ۇلتتىق سالت- ءداستۇر وتكىزۋگە ۇيعاردى. كىشكەنتاي وتانداسىمىز قاسىم ىسقاقوۆ تاياۋدا ءبىر جاسقا تولعان ەدى. ونىڭ اتا- اناسى بەلگياداعى ق ر كونسۋلى دانيار ىسقاقوۆ پەن ونىڭ جۇبايى زارەما ىسقاقوۆا ءبىزدىڭ تىلشىگە وسى شارادان فوتورەپورتاج جاساۋعا كەلىسىم بەردى. ەلشىلىككە قوناقتار، سولاردىڭ ىشىندە وتانداستىرىمىز بەن جەرگىلىكتى تۇرعىندار كەلدى. وسى شاراعا قاتىسۋ ماقساتىندا قازاقستاننان ارنايى بالانىڭ اتا- اجەسى كەلدى. ونىڭ تۇساۋىن كەسۋدى بەلگياداعى ق ر توتەنشە جانە وكىلەتتى ەلشىسى مارعۇلان بايمۇحاننان ءوتىندى.

قازاقستاندىق ديپلومات قوناقتارعا ەجەلگى ءداستۇر، ونىڭ ماڭىزى تۋرالى قوناقتارعا ايتىپ بەردى. سونان سوڭ قاسىمدى قۇتتىقتاپ، ونىڭ ومىردە ۇلكەن جەتىستىككە جەتۋىن تىلەدى. ءداستۇر بويىنشا بالانىڭ الدىنا بىرنەشە زات قويىلدى. ول سونىڭ بىرەۋىن قالاۋى ارقىلى ومىرلىك جولىن تاڭدايدى دەپ ەسەپتەلەدى. قازاقستاننىڭ كىشكەنتاي ازاماتى سپورت دوبىن تاڭدادى. قوناقتار قازاقتىڭ ۇلتتىق اسىنان ءدام تاتىپ، ءارى قاراي اڭگىمە- دۇكەن قۇردى.