زەلەنسكي: رەسەيمەن كەلىسسوز اۋىر وتۋدە

None
None
نۇر- سۇلتان. قازاقپارات - رەسەيمەن ارادا سوعىستى توقتاتۋ تۋرالى بەيبىت كەلىسسوزدەر اۋىر ءجۇرىپ جاتىر. بۇل تۋرالى ۋكراينا پرەزيدەنتى ۆلاديمير زەلەنسكي حالىققا جاساعان كەزەكتى ۇندەۋىندە مالىمدەدى.

ونىڭ ايتۋىنشا، مامىلەگەرلەر ءبىر- بىرىمەن ۇنەمى بايلانىستا. العا جىلجۋ بولعانىمەن قاراما- قايشىلىق كوپ، كەلىسىمنىڭ اۋىلى ءالى الىس، دەيدى زەلەنسكي.

ۆلاديمير زەلەنسكي، ۋكراينا پرەزيدەنتى:

- رەسەيمەن سوعىستى توقتاتىپ، بەيبىت كەلىسىمگە كەلۋ ءۇشىن ءبىز ءتۇرلى دەڭگەيدە كەلىسسوزدەر جۇرگىزىپ جاتىرمىز. ۋكراينا وكىلدەرى كۇن سايىن ءوتىپ جاتقان كەلىسسوزدەرگە قاتىسىپ جاتىر. ءبىراق ەكى جاقتى ديالوگ كەي كەزدەرى تىعىرىققا تىرەلىپ، اۋىر ءجۇرىپ جاتىر. دەگەنمەن، ءبىز اقىرىنداپ العا قادام جاساپ كەلەمىز.

ۋكراينا باسشىسى ماريۋپولدەگى جاعدايدى دا ءسوز ەتىپ، ءازىر قورشاۋدا قالعان شاھاردا 100 مىڭ بەيبىت تۇرعىن ادام ايتقىسىز جاعدايدا ءومىر ءسۇرىپ جاتقانىن جەتكىزدى.

«رەسەي كۇشتەرى اتقىلاۋدى جالعاستىرىپ، بەيبىت تۇرعىنداردى ەۆاكۋاتسيالاۋعا كەدەرگى كەلتىرىپ وتىر. ال ادامدار ازىق- تۇلىك، اۋىز سۋ جانە ءدارى- دارمەكسىز ءومىر سۇرۋگە ءماجبۇر»، - دەيدى ۋكراينا باسشىسى.

www.24.kz

سوڭعى جاڭالىقتار