لوندوندا ناۋرىز مەيرامى تويلاندى

None
None
لوندون. قازاقپارات - كوروناۆيرۋس پاندەمياسى باستالعاننان بەرى العاش رەت ۇلى بريتانيا استاناسىندا ناۋرىز مەيرامى وفلاين فورماتتا اتالىپ ءوتتى، دەپ حابارلايدى قازاقپارات.

قازاقستاننىڭ ۇلى بريتانياداعى ەلشىلىگىنىڭ قولداۋىمەن لوندون ۋنيۆەرسيتەتتىك كوللەدجىنىڭ قازاق ستۋدەنتتەر قوعامى ۇيىمداستىرعان ناۋرىز مەرەكەسىندە قازاق مادەنيەتى مەن ونەرى تانىستىرىلدى.

اۋعانستان، ازەربايجان، يران، قىرعىزستان، تاجىكستان، تۇرىكمەنستان، تۇركيا، وزبەكستان وكىلدەرى، سونداي-اق ۇيعىر دياسپوراسى ورتالىق ازيا كوكتەم فەستيۆالىنە قاتىستى.

مەرەكەلى ءىس-شاراعا بريتان استاناسىنىڭ مىڭداعان تۇرعىندارى مەن قوناقتارى قاتىستى.

مەرەكەلىك كونتسەرت اياسىندا قازاقستان ەلشىلىگىنىڭ وكىلدەرى قازاق حالىق اندەرىن، سونداي-اق تانىمال زاماناۋي كومپوزيتسيالاردى ورىندادى.

ۇلتتىق ستەندتە زەرگەرلىك بۇيىمدار، ۇلتتىق كيىم، تۇرمىستىق زاتتار، ۇلتتىق تاعامدار، سونداي-اق قازاقستاننىڭ تاريحى، مادەنيەتى جانە قازىرگى زامانى تۋرالى كىتاپتار مەن بروشيۋرالار ۇسىنىلدى.

سوڭعى جاڭالىقتار