بورانعا بايلانىستى ەلوردا ماڭىنا قاتىنايتىن كەي اۆتوبۋستار جۇرمەي قالدى

نۇر-سۇلتان. قازاقپارات - اۋا رايىنىڭ ناشارلاۋىنا بايلانىستى استانا ماڭىنا قاتىنايتىن كەي اۆتوبۋستار توقتادى، دەپ حابارلايدى قازاقپارات.

Cіty Transportation Systems كومپانياسىنىڭ باسپا ءسوز قىزمەتى تاراتقان مالىمەتكە سەنسەك، قالا ماڭىنا قاتىناي̆تىن 315,316№ باعدارلارىنىڭ قوزعالىسى ۋاقىتشا توقتاتىلعان. باسقا باعدارلار لينيادا ءجۇر.

ايتا كەتەيىك، كەشە كەشكىسىن قالا ماڭىنا جولاۋشى تاسىمالدايتىن 312,317№ اۆتوبۋستارى دا جۇرمەي قالعان بولاتىن.

ەسكە سالا كەتەيىك، بۇگىن استانادا بوران سوعىپ تۇر. وسىعان بايلانىستى نۇر-سۇلتان مەن تەمىرتاۋدىڭ اراسىن جالعايتىن اۆتوجول جابىلدى. كەشەدەن بەرى «نۇر-سۇلتان-شۋچينسك» جانە «نۇر-سۇلتان-اتباسار» جولدارىندا دا كولىك قوزعالىسىنا تىيىم سالىنعان.