الماتىلىقتار ناۋرىز مەيرامىن قالاي تويلاپ جاتىر - فوتو

الماتى. قازاقپارات - الماتىلىقتار ءاز ناۋرىز مەرەكەسىن تويلاپ جاتىر، دەپ حابارلايدى قازاقپارات ءتىلشىسى.

الماتى مۋزەيىندە قانداي ۇلتتىق كيىمدەر ساقتالعان الماتىدا مەرەكەگە وراي تروتۋار بويىنداعى اۆتوتۇراقتار ەكى كۇن بويى تەگىن كوكتەمنىڭ شۋاقتى كۇنىندە الماتىلىقتار كيىز ءۇي تىگىپ، ۇلتتىق كيىممەن كوشەگە قىدىرۋعا شىعا باستادى.

جىبەك جولى كوشەسىنە جينالعان حالىق قاراسى قالىڭ. شاعىن ساحنادا مۇقاسان شاحزادايەۆ، ماقسات بازاربايەۆ، تاحمينا اشىمبەكوۆا، ءىنجۋ جانە باسقا وتاندىق ەسترادا جۇلدىزدارى ءان شىرقادى. سونىمەن قاتار، «الماتى اۋەندەرى»، «بوزتورعاي» حالىقارالىق بالالار فەستيۆالى كونسەرتتىك باعدارلاماسىن ۇسىنسا، ديدجەيلەر مەن ينتەراكتيۆتەر جانە شىعارماشىل جاستار ءوز ونەرلەرىن ورتاعا سالادى. قولونەر جارمەڭكەسى مەن سۋرەتشىلەر كورمەسى ءوتىپ جاتىر. ارنايى بالالار ايماقتارى ۇيىمداستىرىلدى.

ايتا كەتەيىك، مەگاپوليستە نەگىزگى مەرەكەلىك شارالار 21-23-ناۋرىز ارالىعىندا وتەدى. قالانىڭ بارلىق اۋداندارىندا 80-نەن استام ءتۇرلى ءىس- شارا جوسپارلانعان. بۇگىن مەملەكەت باسشىسى قاسىم- جومارت توقايەۆ الماتى قالاسىنىڭ «استانا» الاڭىنداعى مەرەكەلىك ءىس- شاراعا قاتىسىپ، بارشا قازاقستاندىقتاردى ۇلىستىڭ ۇلى كۇنىمەن قۇتتىقتادى.

اۆتور: الما مۇقانوۆا