الماتىلىق پرانك جاساۋشى جىگىت ەكىنشى رەت قاماۋعا الىندى - ۆيدەو
الماتى. قازاقپارات - الماتىدا پوليتسيانىڭ مودۋلدى پۋنكتىندە جانە قوعامدىق كولىك ىشىندە پرانك جاساعان جىگىت ەكىنشى رەت قاماۋعا الىندى، دەپ حابارلايدى قازاقپارات ءتىلشىسى.
قۇقىق بۇزۋشىنىڭ ۇستالعانى تۋرالى الماتى قالالىق پوليتسيا دەپارتامەنتى باسشىسىنىڭ ورىنباسارى رۋستام ابدراحمانوۆ Facebook پاراقشاسىنا جازدى.
ونىڭ ايتۋىنشا، پرانك جاساعان 1991 -جىلى تۋعان ك. ەسىمدى ازامات ۇستالىپ، بوستاندىق اۋدانىنىڭ پوليتسيا باسقارماسىنا جەتكىزىلگەن.
«قۇقىقبۇزۋشى اكىمشىلىك قۇقىق بۇزۋ كودەكسىنىڭ 434-بابى - ۇساق بۇزاقىلىق بويىنشا جازالانادى. ايتۋ كەرەك، بۇل ازامات بۇرىن دا جوعارىدا اتالعان باپ بويىنشا جاۋاپكەرشىلىككە تارتىلىپ، جازاسىن وتەگەن»، - دەدى رۋستام ابدراحمانوۆ.
ەسكە سالساق، بۇعان دەيىن الماتىلىق پرانك جاساۋشى مەترو مەن ساۋدا ورتالىعىندا پرانك جاساعانى ءۇشىن 10 تاۋلىككە قاماۋعا الىنعان ەدى.
