پرەزيدەنت زەلەنسكي ماسكەۋدى تاعى كەلىسسوزگە شاقىردى

None
None
نۇر- سۇلتان. قازاقپارات - ۆلاديمير زەلەنسكي رەسمي ماسكەۋدى تاعى دا بەيبىت كەلىسسوزدەر جۇرگىزۋگە شاقىرىپ وتىر، دەپ حابارلايدى «حابار 24».

ونىڭ ايتۋىنشا ۋكراينا رەسەي تاراپىن ۇنەمى بەيبىتشىلىك پەن قاۋىپسىزدىك تۋرالى ءادىل كەلىسسوز جۇرگىزۋدى ۇسىنىپ كەلەدى. زەلەنسكي، سونداي- اق رەسەي اسكەرى جاسىل دالىزدەر ارقىلى گۋمانيتارلىق جۇكتەردىڭ جەتكىزىلۋىنە كەدەرگى كەلتىرىپ وتىرعانىن ايتادى. دەرەككە قاراعاندا بۇل دالىزدەر ارقىلى قازىرگە دەيىن 180 مىڭ بەيبىت تۇرعىن ەۆاكۋاتسيالانعان.

كيەۆ پەن ماسكەۋ بۇعان دەيىن بىرنەشە بەيبىت كەلىسسوز جۇرگىزگەن. ءبىراق ولار ناتيجەسىز اياقتالدى.

ۆلاديمير زەلەنسكي ، ۋكراينا پرەزيدەنتى:

- رەسەي ءۇشىن ءوزىنىڭ قاتەلىكتەرىن تۇزەتۋدىڭ جالعىز مۇمكىندىگى - بەيبىتشىلىك پەن قاۋىپسىزدىك تۋرالى ءادىل كەلىسسوز جۇرگىزۋ. ءبىز ماسەلەنى ۇنەمى بەيبىت جولمەن شەشۋگە شاقىرىپ كەلدىك. وسى تۇستا بارلىعىنا، اسىرەسە، ماسكەۋگە ايتارىم كەلىسسوز جۇرگىزەتىن ۋاقىت جەتتى. ۋكراينانىڭ اۋماقتىق تۇتاستىعىن قالپىنا كەلتىرۋ كەرەك. ايتپەسە، رەسەي وراسان شىعىنعا ۇشىراي بەرەدى.

www.24.kz

سوڭعى جاڭالىقتار