تۇركىستاندا وتكەن الامان ايتىستا بەكارىس شويبەكوۆ ءبىرىنشى ورىندى جەڭىپ الدى

None
None
تۇركىستان. قازاقپارات - تۇركىستاندا ۇلىستىڭ ۇلى كۇنى - ناۋرىز مەرەكەسىنە وراي «تۇركىستان - ەر تۇرىكتىڭ بەسىگى» اتتى رەسپۋبليكالىق اقىندار ايتىسى ءوتتى، دەپ حابارلايدى قازاقپارات ءتىلشىسى.

قازاقستان رەسپۋبليكاسى مادەنيەت جانە سپورت مينيسترلىگى مادەنيەت كوميتەتىنىڭ قولداۋىمەن «ازىرەت سۇلتان» مەملەكەتتىك تاريحي- مادەني مۋزەي- قورىعى ۇيىمداستىرعان ايتىسقا «التىن دومبىرا» يەگەرى بەكارىس شويبەكوۆ، ايتىستىڭ اقتاڭگەرى ەركەبۇلان قاينازاروۆ جانە رەسپۋبليكاعا تانىمال مەيىربەك سۇلتانحان، ءبىرجان بايتۋوۆ، شۇعايىپ سەزىمحان، نۇرلىبەك مەيىرمانوۆ، داۋرەن اقساقالوۆ، ەرجان ءامىروۆ سىندى اقىندار قاتىستى.


ونەر سايىسى تۇركى الەمىنىڭ كيەسى مەن قاسيەتىنە اينالعان قوجا احمەت ياساۋي جانە كەسەنە مەن ونىڭ اينالاسىندا جەرلەنگەن تۇلعالاردى دارىپتەۋ، تۇركىستان جايلى تاعىلىمدى وي ءبولىسۋ، حالىققا ناسيحاتتاۋ ماقساتىندا ۇيىمداستىرىلعان.

ايتىستى «ازىرەت سۇلتان» مەملەكەتتىك تاريحي- مادەني مۋزەي- قورىعىنىڭ ديرەكتورى ماۋلەن سادىقبەكوۆ اشىپ، اقىندارعا ساتتىلىك تىلەدى. ۇلتىمىزدىڭ ۇلىلىعى مەن قارا ءسوزدىڭ قاسيەتىن شابىتتى شۋماقپەن پاش ەتىپ، ايتىسقا سۋساعان كورەرمەنگە ەلدىك رۋحتى اسقاقتاتار وي سالعان اقىندار ارلەنگەن ازىلمەن دە ەلگە كوتەرىڭكى كوڭىل- كۇي سىيلادى.


قازىلار القاسىنىڭ شەشىمىمەن ءبىرىنشى ورىنعا تۇركىستاندىق اقىن بەكارىس شويبەكوۆ لايىق دەپ تانىلسا، نۇر- سۇلتان قالاسىنان كەلگەن ەركەبۇلان قاينازاروۆ ەكىنشى ورىندى، قىزىلوردالىق ەرجان ءامىروۆ پەن شىمكەنتتىك اقىن نۇرلىبەك مەيىرمانوۆ ءۇشىنشى ورىندى يەلەندى. سونداي- اق، قانىبەك سارىبايەۆ اتىنداعى ارنايى جۇلدەمەن قىزىلوردالىق مەيىربەك سۇلتانحان، ابدىكەرىم ماناپوۆ اتىنداعى ارنايى جۇلدەمەن الماتى وبلىسىنان شۇعايىپ سەزىمحان، كوپباي وماروۆ اتىنداعى ارنايى جۇلدەمەن ءبىرجان بايتۋوۆ، اسەلحان قالىبەكوۆا اتىنداعى ارنايى جۇلدەمەن تۇركىستان وبلىسىنان داۋرەن اقساقالوۆ ماراپاتتالدى.

اۆتور: قايرات زاينيشيەۆ


سوڭعى جاڭالىقتار