نۇر- سۇلتان ماڭىنداعى ساياجاي تۇرعىندارى دەپۋتاتقا پروبلەمالارىن جەتكىزدى

ق ر پارلامەنتى سەناتىنىڭ دەپۋتاتى اقىلبەك كۇرىشبايەۆ «پريگورودنىي» شاعىن اۋدانىنىڭ تۇرعىندارىمەن، سونداي- اق نۇر- سۇلتان قالاسىنداعى پاتەر يەلەرى كووپەراتيۆتەرىنىڭ وكىلدەرىمەن كەزدەستى.

سەناتوردىڭ ايتۋىنشا، ەلوردادا ءالى دە جەدەل شەشۋدى تالاپ ەتەتىن ءبىرقاتار پروبلەمالار بار. ول قالا ىشىندەگى ساياجايلار ون مىڭنان استام ادام تۇراتىن ەلدى مەكەنگە اينالعانىن اتاپ ءوتتى.

«بۇل ساياجاي الاپتارى ەلوردانى دامىتۋدىڭ باس جوسپارى بويىنشا بۇزىلۋعا جاتادى، تيىسىنشە، جەر تەلىمدەرىن ينۆەستور نەمەسە مەملەكەت نارىقتىق باعامەن ساتىپ الۋى ءتيىس. ءبىراق ازىرگە مۇنداعى بار ادامدار كۇتۋمەن ءومىر ءسۇرىپ وتىر»، - دەدى سەناتور.

اقىلبەك كۇرىشبايەۆ ەلوردا مەن قالالىق ءماسليحات باسشىلارىن جانە قالالىق كوممۋنالدىق قىزمەت جەتەكشىلەرىن حالىقپەن كەزدەسۋگە ارنايى شاقىردى. مۇنداي ءتاسىل وسىنداعى پروبلەمالار تۋرالى ايتۋعا جانە ولاردى جان- جاقتى تالقىلاۋمەن قاتار سول جەردە اكىمدىك الدىندا قويىپ، شەشۋ جونىندەگى جوسپار جاساۋعا مۇمكىندىك بەرەدى.

«مۇندا «اسى- سۋى مول» ورىنداردى جەكەشەلەندىرىپ الىپ، مەملەكەت پەن حالىق اراسىندا دەلدال بولعان جەرگىلىكتى وليگارحتار بار. اكىمدىك ولاردى سوتقا بەرىپ، زاڭعا ساي كەلگەن نارسەنى مەملەكەتكە قايتارۋعا تىرىسادى»، - دەدى ول.

اقىلبەك كۇرىشبايەۆ قوسىمشا قارجىلاندىرۋدى تالاپ ەتەتىن ماسەلەلەر قالالىق بيۋدجەت تۇزەتىلگەننەن كەيىن قارالاتىنىن اتاپ ءوتتى.