بازاردان جالعان پوليتسەي ۇستالدى

شىمكەنت. قازاقپارات- شىمكەنتتەگى بازاردا پوليتسيا فورماسىن كيىپ، كوشەدە جۇرگەن ازامات ۇستالدى، دەپ حابارلايدى قازاقپارات ءتىلشىسى.

شىمكەنتتەگى «جوعارعى بازار» ماڭىندا جۇرگىزىلگەن رەيد كەزىندە پوليتسيا دەپارتامەنتىنىڭ وزىندىك قاۋىپسىزدىك باسقارماسىنىڭ جەدەل قىزمەتكەرلەرىنىڭ نازارىن فورمالى جاس جىگىت اۋدارعان. ولار كۇدىكتىنى تەكسەرۋ بارىسىندا ودان ءال- فارابي اۋداندىق پوليتسيا باسقارماسى ۋچاسكەلىك ينسپەكتورىنىڭ «جالعان» قىزمەتتىك كۋالىگىن تاركىلەگەن.

سونداي- اق، تەرگەۋ بارىسىندا ەر ادامنىڭ فورمانى قالاداعى دۇكەندەردىڭ بىرىنەن العانى انىقتالدى. ول شىمكەنتكە ەكى كۇن بۇرىن كەلگەن، تۇركىستان وبلىسىنىڭ تۇرعىنى بولىپ شىقتى. قازىرگى تاڭدا، كۇدىكتىگە قاتىستى ءال- فارابي اۋداندىق پوليتسيا باسقارماسىنىڭ تەرگەۋشىلەرى قازاقستان رەسپۋبليكاسى قىلمىستىق كودەكسىنىڭ 390-بابى «بيلىك وكىلى اتاعىن ءوز بەتىنشە بەرۋ» بويىنشا سوتقا دەيىنگى تەرگەۋ امالدارىن جۇرگىزىپ جاتىر.

پوليتسەيلەر ەر ادامنىڭ ءتارتىپ ساقشىسىنىڭ فورماسىن قانداي ماقساتتا كيگەنىن انىقتايدى.

اۆتور: قايرات زاينيشيەۆ