ە ا ە و اياسىندا يمپورتتىق كەدەن باجى بۇرىنعىداي ا ق ش دوللارىمەن الىنادى - ۇكىمەت

None
None
نۇر- سۇلتان. قازاقپارات - قازاقستان رەسپۋبليكاسىنا جينالاتىن يمپورتتىق كەدەن باجدارى بۇرىنعىداي ا ق ش دوللارىمەن بولىنەدى جانە ەسەپكە الىنادى، دەپ حابارلايدى قازاقپارات.

بۇل جايىندا ۇكىمەتتىڭ باسپا ءسوز قىزمەتى ءمالىم ەتتى. ەۋرازيالىق ەكونوميكالىق وداق تۋرالى شارتتا مۇشە مەملەكەتتەردىڭ ءبىر- ءبىرىنىڭ بيۋدجەتىنە يمپورتتىق كەدەندىك باجداردى جيناۋ جانە ءوزارا اۋدارۋ بويىنشا مىندەتتەمەلەرى كوزدەلگەن. بۇل تەتىك ءاربىر مەملەكەتتە بىركەلكى جانە مىناداي نەگىزگى كەزەڭدەردى قامتيدى:

ءۇشىنشى ەلدەردەن كەلىپ تۇسەتىن تاۋارلاردان ۇلتتىق ۆاليۋتالاردا يمپورتتىق باجداردىڭ سومالارىن جيناۋ؛ يمپورتتىق باجداردىڭ كەلىپ تۇسكەن سومالارىن بەلگىلەنگەن كوەففيتسيەنتتەرگە سايكەس ءبولۋ، ونى ا ق ش دوللارىنا ايىرباستاۋ جانە ولاردى كەيىننەن ەاەو- عا مۇشە مەملەكەتتەرگە جىبەرۋ. رەسەي فەدەراتسياسىنا سالىنعان سانكسيالارعا بايلانىستى مۇشە مەملەكەتتەردىڭ كەدەندىك اكەلۋ باجدارىن رەسەي فەدەراتسياسى مەن بەلارۋسكە دوللارمەن اۋدارۋى مۇمكىن ەمەس

. كەلىسسوز قورىتىندىسى بويىنشا قازاقستاندىق نۇسقا قولداۋ تاپتى: رەسەي فەدەراتسياسىنا جانە بەلارۋس رەسپۋبليكاسىنا كەدەندىك اكەلۋ باجدارىن ەسەپكە الۋ جانە ءبولۋ ءۇشىن ۇلتتىق جونەلتۋشى بانكتەردىڭ باعامى بويىنشا رەسەي ءرۋبلى پايدالانىلاتىن بولادى. قازاقستان رەسپۋبليكاسىنا، سونداي- اق ارمەنيا رەسپۋبليكاسىنا جانە قىرعىز رەسپۋبليكاسىنا جينالاتىن يمپورتتىق كەدەندىك باجدار بۇرىنعىداي، ا ق ش دوللارىمەن بولىنەدى جانە ەسەپكە الىنادى.

سوڭعى جاڭالىقتار