«ناۋرىز» توسبەلگىسى، ناۋرىزنامانى الەم تىلدەرىنە اۋدارۋ: ۇلىستىڭ ۇلى كۇنىن قالاي تويلاعان ءجون

None
None
نۇر-سۇلتان. قازاقپارات - ەلوردالىق عالىمدار مەن ساراپشىلار ناۋرىز مەرەكەسىن تويلاۋ جونىندە ءبىرقاتار ۇسىنىمدارىن جاريالادى، دەپ حابارلايدى قازاقپارات ءتىلشىسى.

بۇل تۋرالى «ناۋرىز - ەل بىرلىگىنىڭ مادەني كودى: ىزدەنىس، تۇجىرىمداما، تاجىريبە» اتتى حالىقارالىق عىلىمي-تاجىريبەلىك كونفەرەنسيانىڭ قارارى قابىلداندى.

«ناۋرىزناماعا بايلانىستى زەرتتەۋلەر مەن پراكتيكالىق ىزدەنىستەردىڭ مەيلىنشە تولىق ەلەكتروندىق بازاسى جاساقتالسىن. ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى گۋمانيتارلىق جانە الەۋمەتتىك عىلىمدار فاكۋلتەتى (فيلوسوفيا، ەتنولوگيا، مادەنيەتتانۋ باعىتى) تاراپىنان «ناۋرىز مەرەكەسى: زاماناۋي تالعام مەن تالاپ» اتتى جۇمىس كوميسسياسى قۇرىلسىن. سوڭعى جىلدارداعى «ناۋرىز مەرەكەسىن» اتاپ ءوتۋ مەن جۇرگىزۋدىڭ سەناريلەرى تاريحشى، ەتنوگراف، مادەنيەتتانۋشى عالىمداردىڭ سۇزگىسىنەن ءوتىپ، جيناق تۇرىندە ازىرلەنىپ، شىعارىلىپ، ءتيىستى ورىندارعا، بارلىق كىتاپحاناعا تاراتىلسىن»، - دەپ جازىلعان قاراردا.

سونىمەن بىرگە، ناۋرىز مەرەكەسىنە قاتىستى شارالار كەشەنىن تاۋەلسىزدىك قۇندىلىقتارىمەن ساباقتاستىرىپ، كەڭىنەن ناسيحاتتاۋ، «تاريحي ناۋرىزنامانى» (الەمدىك انتولوگيا) ب ۇ ۇ تىلدەرىنە اۋدارىپ، حالىقارالىق كەڭىستىككە تانىتۋ ۇسىنىلعان.

«ناۋرىزدىڭ ءمان-ماڭىزىنا بايلانىستى عىلىمي تۇجىرىمدار مەن قاعيداتتار ءبىلىم ۇدەرىسىنە، اسىرەسە مادەنيەتتانۋ، فيلوسوفيا، ەتنولوگيا جانە ونەرتانۋ سالالارىنا ەنگىزىلسىن. پارسى جانە تۇركى مادەنيەتىندەگى ناۋرىزناماعا بايلانىستى تاجىريبەلەر، ويلار، عىلىمي قورىتىندىلار الەم مادەنيەتىندە كەڭ قولدانۋعا مۇمكىندىكتەر جاسالسىن. تۇركىستان وڭىرىندە ساقتالعان كونە ەسكەرتكىشتەردى، سونىڭ ىشىندە ناۋرىزعا قاتىستى عۇرىپتاردى زەرتتەۋگە ات سالىسۋ قاجەت. شىعىس ەلدەرى مەن تۇركى دۇنيەسىنىڭ حالىقارالىق ساياسي، ەكونوميكالىق، مادەني شارالارىن ناۋرىز مەرەكەسىنە ورايلاستىرۋ سۇرالسىن»، - دەپ جازىلعان.

ودان بولەك، ناۋرىزعا وراي حالىقارالىق كىتاپ جانە ۇلتتىق مادەنيەت كورمەلەرىن ۇيىمداستىرۋ، «ناۋرىز» توسبەلگىسىن ازىرلەۋ، ونى قوعامعا كەڭىنەن تاراتۋ باستاماسى كوتەرىلدى.

«ناۋرىز شارالارىنىڭ بۇلدىرشىندەر مەن بالالارعا ارنالعان تانىمدىق جانە زاماناۋي باعدارلامالارى كوبەيتىلسىن. ناۋرىزدىڭ (مەرەكەنىڭ) تەحنولوگيالىق، اقپاراتتىق، قولدانبالىق مازمۇنىن، ماڭىزىن، الەۋەتىن كوتەرۋدى قولعا الۋ كەرەك. قايىرىمدىلىق، راقىمشىلىق شارالارىن ناۋرىزعا ورايلاستىرۋ قاراستىرىلسىن»، - دەپ ۇسىندى كونفەرەنسيا قاتىسۋشىلارى.

سوڭعى جاڭالىقتار