قاڭتار وقيعاسىندا شىمكەنت قالاسىنا قانشا شىعىن كەلگەنى ايتىلدى

None
None
شىمكەنت. قازاقپارات - قاڭتار وقيعاسى كەزىندە شىمكەنتتە بۇلىنگەن نىساندار قالپىنا كەلتىرىلىپ جاتىر، دەپ حابارلايدى قازاقپارات ءتىلشىسى.

قاڭتار ايىندا بولعان جاپپاي تارتىپسىزدىكتەردەن شىمكەنت قالاسىنا 4 ميلليارد تەڭگەدەن استام شىعىن كەلىپ، 190 ادام ءتۇرلى جاراقاتپەن اۋرۋحاناعا تۇسكەن. ونىڭ ىشىندە 71 ادام پوليتسيا قىزمەتكەرلەرى مەن اسكەر ساربازدارى. بۇل تۋرالى قالا اكىمى مۇرات ايتەنوۆ پرەزيدەنت جولداۋىن جۇزەگە اسىرۋ بويىنشا وتكەن اكتيۆ وتىرىسىندا ايتتى.

«سىندارلى ساتتەردە حالىققا قورعان بولىپ، جاعدايدىڭ ۋشىعىپ كەتپەۋىنە جول بەرمەگەن كۇشتىك قۇرىلىمداردىڭ قىزمەتكەرلەرىنە جانە قوعامدىق ءتارتىپتى قورعاۋعا شىققان ەرىكتىلەر مەن سول ۋاقىتتا كومەكتەسكەن بارشا كاسىپكەرلەرگە العىس ايتىپ، ريزاشىلىعىمدى بىلدىرەمىن. بۇگىندە بۇلىنگەن نىسانداردى قالپىنا كەلتىرۋ جۇمىستارى جۇرگىزىلۋدە»، - دەدى قالا اكىمى.

تارتىپسىزدىك سالدارىنان قالادا 8 مەملەكەتتىك جانە 29 بيزنەس نىسان زارداپ شەكتى. 90 ارنايى كولىكتەر زاقىمدالىپ، ونىڭ ىشىندە 40 كولىك جانىپ كەتكەن. قاراپايىم ادامداردىڭ دا ءبىرقاتار مۇلكى جارامسىز بولىپ قالعان. قالا اكىمى قاڭتار وقيعاسىنىڭ زاردابىن جويۋ جۇمىستارىن ودان ءارى جالعاستىرىپ، «قازاقستان حالقىنا» قورىمەن بىرلەسە جۇمىس ىستەۋ كەرەكتىگىن ايتىپ، سالا ماماندارىنا تاپسىرمالار بەردى.


اۆتور: قايرات زاينيشەۆ


سوڭعى جاڭالىقتار