«جاڭا قازاقستان» ابستراكتىلى يدەيا ەمەس، بولاشاقتىڭ ناقتى بەينەسى - توقايەۆ

None
None
نۇر-سۇلتان. قازاقپارات - «جاڭا قازاقستان» ابستراكتىلى يدەيا ەمەس، بولاشاقتىڭ ناقتى بەينەسى. بۇل تۋرالى بۇگىن ەلىمىزدىڭ ءبىرقاتار ازاماتىن مەملەكەتتىك ناگرادامەن ماراپاتتاۋ راسىمىندە ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«ءومىردىڭ بارلىق سالاسىندا تۇبەگەيلى وزگەرىستەردى باستاپ، ءبىز ەل دامۋىنىڭ ساپالى جاڭا كەزەڭىنە قادام باسامىز. بۇل - «جاڭا قازاقستان» . ونىڭ ۇستىنە بۇل ابستراكتىلى يدەيا ەمەس، بولاشاقتىڭ ناقتى بەينەسى»، - دەدى قاسىم-جومارت توقايەۆ. مەملەكەت باسشىسى بۇگىن ماراپاتتالاتىن ازاماتتاردىڭ بارلىعى ەلدىڭ دامۋىنا زور ۇلەس قوسىپ كەلە جاتقانىن باسا ايتتى. «سىزدەردىڭ ءارقايسىلارىڭىز ناعىز وتانشىل ەكەندەرىڭىزدى، ىنتىماق پەن بىرلىك قۇندىلىقتارىن ۇستاناتىندارىڭىزدى ءىس جۇزىندە دالەلدەپ كەلەسىزدەر. وزدەرىڭىزدىڭ جانكەشتى ەڭبەكتەرىڭىزبەن، شىنايى كومەك كورسەتۋگە دەگەن نيەتتەرىڭىزبەن بارلىق ازاماتتارعا ۇلگى كورسەتەسىزدەر. سىزدەرمەن بىرگە قازاقستاندىق رەفورماتسيا پروتسەسىن ءساتتى ىسكە قوسىپ، جاڭا مۇمكىندىكتەر مەن پروگرەسس ەلى - «جاڭا قازاقستاندى» قۇراتىندىعىمىزعا سەنىمدىمىن»، - دەدى ق ر پرەزيدەنتى.

سوڭعى جاڭالىقتار