قاپشاعاي قالاسىن قايتا اتاۋ ماسەلەسى پىسىقتالۋدا – قۋانتىروۆ

None
None
نۇر- سۇلتان. قازاقپارات - ۇكىمەت وتىرىسىندا قر ۇلتتىق ەكونوميكا ءمينيسترى الىبەك قۋانتىروۆ قاپشاعاي قالاسىن قايتا اتاۋ ماسەلەسى پىسىقتالىپ جاتقانىن ءمالىم ەتتى، دەپ حابارلايدى قازاقپارات ءتىلشىسى.

«مەملەكەت باسشىسى « جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋى شەڭبەرىندە ەلدىڭ ساياسي جۇيەسى مەن اكىمشىلىك- اۋماقتىق قۇرىلىمىن وزگەرتۋ بويىنشا ناقتى مىندەتتەر قويدى. بۇل مەملەكەتتىك قۇرىلىستىڭ جاڭا كەزەڭىنىڭ باستالۋىن بىلدىرەدى. مەملەكەت باسشىسى ۇسىنعان باستامالار ەلىمىزدە جاڭا ساياسي مادەنيەتتى قالىپتاستىرۋعا باعىتتالعان رەفورمالاردىڭ مۇقيات زەردەلەنگەن باعدارلاماسى بولىپ تابىلادى. اتاپ ايتقاندا، ەلىمىزدىڭ كونستيتۋتسياسىنا 30 دان استام وزگەرىستەر مەن تولىقتىرۋلار ەنگىزىلەدى، سونداي- اق جىل سوڭىنا دەيىن 20 دان استام زاڭ قابىلدانادى»، - دەگەن مينيستر جولداۋدى ىسكە اسىرۋ جونىندەگى جالپى ۇلتتىق ءىس- شارالار جوسپارىنىڭ جوباسى ازىرلەنگەنىن اتاپ ءوتتى.

ايتۋىنشا، مەملەكەت باسشىسىنىڭ تاپسىرمالارىن ىسكە اسىرۋ ماقساتىندا ۇلتتىق ەكونوميكا مينيسترلىگى نەگىزگى 3 باعىت بويىنشا جۇمىس جۇرگىزەدى.

ولار: 1. ەلدىڭ اكىمشىلىك- اۋماقتىق قۇرىلىمىن جەتىلدىرۋ؛

2. جەرگىلىكتى ءوزىن- ءوزى باسقارۋدى ورتالىقسىزداندىرۋ؛

3. داعدارىسقا قارسى كەزەك كۇتتىرمەيتىن شارالار.

«اباي، جەتىسۋ جانە ۇلىتاۋ وبلىستارىن قۇرۋ كوزدەلۋدە جانە حالىقتىڭ پىكىرىن ەسكەرە وتىرىپ، قاپشاعاي قالاسىن قايتا اتاۋ ماسەلەسى پىسىقتالۋدا»، - دەدى الىبەك قۋانتىروۆ.


سوڭعى جاڭالىقتار