قاراعاندىدا ناۋرىز مەرەكەسىنە ارنالعان ايتىس ءوتتى

None
None
قاراعاندى. قازاقپارات - كەنشىلەر مادەنيەت سارايىندا بولعان «ارمىسىڭ، ءاز ناۋرىز» اتتى وبلىستىق اقىندار ايتىسىنا نۇرا، جاڭاارقا، شەت اۋداندارىنان، سونداي-اق قاراعاندى، ساتبايەۆ، تەمىرتاۋ جانە شاحتينسك قالالارىنان 12 جاس اقىن قاتىستى، دەپ حابارلايدى قازاقپارات ءتىلشىسى.

ايتا كەتەر جايت، بۇل ونەر سايىسى لينگۆيست-عالىم جانە قوعام قايراتكەرى احمەت بايتۇرسىن ۇلىنىڭ 150 جىلدىعىنا ارنالىپ وتىر.

«بۇگىنگى ايتىستىڭ ەرەكشەلىگى - پرەزيدەنتتىڭ حالىققا جولداۋىندا ۇلىتاۋ وبلىسىنىڭ قۇرىلعانى تۋرالى جاريالاۋى. بۇل جاڭالىق تا شىعارماشىلىق بايقاۋدىڭ باستى تاقىرىپتارىنىڭ بىرىنە اينالدى. اقىندار ءارقاشان وزەكتى ماسەلەلەردى كوتەرەدى. مىسالى، وتكەن جىلى اقىندار ءاليحان بوكەيحاننىڭ اۋدانى نەگە جوق ەكەندىگىن تىلگە تيەك ەتكەن بولاتىن»، - دەيدى اتالمىش شارانى جۇرگىزۋشى ايتباي جۇماعۇلوۆ.

قازىلار القاسىنىڭ شەشىمى بويىنشا باس جۇلدەنى قاراعاندىلىق نۇرسۇلتان رىمباي يەلەندى.

ءبىرىنشى ورىندا تەمىرتاۋلىق اقىن ەركەعالي بەكبولات. ەكىنشى ورىندى ساتبايەۆ قالاسىنان ءمادي ولجاباي مەن شاحتينسك قالاسىنان نۇرمۇحامەد بايسۇگىروۆ ءوزارا ءبولىستى.

ءۇشىنشى ورىنعا قاراعاندىلىقتار تورەحان سوۆەت پەن ءاليحان نىعمەتوللا، سونداي-اق نۇرا اۋدانىنان كەلگەن اقىن جاندوس باقىت ۇلى يە بولدى.

«بۇل ايتىستى باعالايتىن جانە تۇسىنەتىن اقىندار مەن ادامدار ءۇشىن ۇلكەن مەرەكە. قاتىسۋشىلاردىڭ ءبارى دە مىقتى»، - دەپ اتاپ ءوتتى نۇرالىق اقىن جاندوس باقىت ۇلى. سونداي-اق ارنايى سىيلىقتارمەن قاراعاندىلىق دۋمان سامات، جاڭاارقا اۋدانىنان سىرىم نىعىزباي جانە شەت اۋدانىنان مۇحتار ءادىلوۆ ماراپاتتالدى.

«مەن ءوزىم كوكشەتاۋدىڭ تۋماسىمىن، قازىر بوكەتوۆ اتىنداعى قارۋ-دە وقيمىن. 2017-جىلى كوكشەتاۋدا كوكەن شاكەي ۇلى اتىنداعى اقىن مەكتەبى اشىلعان كەزدە ايتىسقا قىزىعۋشىلىق تانىتتىم. مەنىڭ العاشقى ۇستازىم - مۇحامەد قوڭقايەۆ، قازىر مەنى ايتباي جۇماعۇلوۆ دايىنداپ جاتىر. كوپتەگەن اقىندار ءبىز ءۇشىن جاستارعا ۇلگى بولا الادى. بىرەۋى سويلەۋ ونەرىن، ەكىنشىسىنەن اكتەرلىك شەبەرلىكتى جانە ت. ب. ۇيرەنەدى»، - دەيدى دۋمان سامات.

ايتىستىڭ بارلىق قاتىسۋشىلارى ديپلومدارمەن جانە العىس حاتتارمەن ماراپاتتالدى. جەڭىمپازدارعا اقشالاي سىيلىقتار تابىس ەتىلدى. سونداي-اق، قاراعاندىدا وقۋشىلار اراسىندا «جاس تۇلپار» وبلىستىق ايتىسى ءوتتى.

وعان بۇقار جىراۋ، جاڭاارقا، وساكاروۆ، ۇلىتاۋ، شەت اۋداندارىنان جانە جەزقازعان مەن پريوزەرسك قالالارىنان 10 وقۋشى قاتىستى. جەزقازعان قالاسىنىڭ 10№ ج ب ب م ونىنشى سىنىپ وقۋشىسى اياۋلىم ءامىرالى ۇزدىك اتاندى.

سوڭعى جاڭالىقتار