قازاقستاننىڭ قاي وڭىرلەرىندە قار كوشكىنى قاۋپى بار
شىعىس قازاقستاندا قار كوشكىنى ءجۇردى توتەنشە جاعدايلار مينيسترلىگىنىڭ مالىمەتىنشە، قار كوشكىنىنىڭ تۇسۋىنە دەر كەزىندە ارەكەت ەتۋ ءۇشىن «قازسەلدەن قورعاۋ» بولىمشەلەرى كۇشەيتىلگەن جۇمىس رەجيمىنە اۋىسقان.
بارلىق فيليالداردا، وندىرىستىك-پايدالانۋ ۋچاسكەلەرىندە باسشىلىق پەن باس ماماندار قاتارىنان جاۋاپتى قىزمەتكەرلەردىڭ كەزەكشىلىگى جالعاسىپ جاتىر.
قازسەلدەن قورعاۋ اۋماقتىق باسقارمالارىنىڭ جالپى سانى 115 ادام مەن 64 تەحنيكانىڭ 12 اۆاريالىق بريگاداسى دەن قويۋعا دايىن. بۇگىنگى تاڭدا جالپى كولەمى 145695 كۇپ مەتر قۇرايتىن قار كوشكىنى 101 مارتە ماجبۇرلەپ ءتۇسىرىلدى. سونىن ىشىندە الماتى قالاسىندا - 14 (كولەمى 80800 كۇپ مەتر)، الماتى وبلىسىندا - 18 (كولەمى 95 كۇپ مەتر)، شىعىس قازاقستان وبلىسىندا - 69 (كولەمى 64 800 كۇپ مەتر).
كوشكىن قاۋىپتى كەزەڭنىڭ باسىنان كولەمى 182625 كۇپ مەتر 95 قار كوشكىنى ءوز بەتىنشە تۇسكەن. سونىڭ ىشىندە 79 الماتى قالاسىندا، 10 شىعىس قازاقستان وبلىسىندا جانە 6 الماتى وبلىسىندا.
