20:58, 17 - ناۋرىز 2022 | GMT +6
قايرات ساتىبالدى ۇلىمەن بىرگە ونىڭ بۇرىنعى ايەلى دە كۇدىككە ءىلىنىپ، قامالدى
نۇر-سۇلتان. قازاقپارات - قايرات ساتىبالدى ۇلىمەن بىرگە ونىڭ بۇرىنعى جۇبايى دا كۇدىككە ءىلىندى، دەپ حابارلايدى قازاقپارات.
سىبايلاس جەمقورلىققا قارسى قىزمەتتىڭ مالىمەتىنشە، اگەنتتىك قايرات ساتىبالدى ۇلىنا، ونىڭ بۇرىنعى جۇبايى گۇلميرا ساتىبالدىعا جانە باسقا دا تۇلعالارعا قاتىستى بيزنەستى رەيدەرلىك باسىپ الۋ فاكتىسى بويىنشا سوتقا دەيىنگى تەرگەۋدى باستادى.
16- ناۋرىزدا گ. ساتىبالدى ق ر ق پ ك 128-بابى بويىنشا ۇستالىپ، نۇر-سۇلتان قالاسىنىڭ ۋاقىتشا ۇستاۋ يزولياتورىنا قامالدى.
«ق ر ق پ ك- ءنىڭ 201-بابىنا سايكەس وزگە اقپارات تەرگەۋ مۇددەسىندە جاريا ەتۋگە جاتپايدى» دەلىنگەن مالىمەتتە.
ەسكە سالا كەتەيىك، سىبايلاس جەمقورلىققا قارسى قىزمەت لاۋازىمدىق وكىلەتتىگىن اسىرا پايدالانۋ جانە «قازاق تەلەكوم» ا ق قاراجاتىن اسا ءىرى كولەمدە ۇرلاۋ فاكتىلەرى بويىنشا قىلمىستىق ءىستى تەرگەپ جاتىر.
اتالعان قىلمىستاردى جاسادى دەگەن كۇدىكپەن قايرات ساتىبالدى ۇلى ۇستالىپ، ەكى ايعا قامالدى.
