«ادال» پارتياسىنىڭ «امانات»-قا قوسىلۋىنىڭ سەبەبى بەلگىلى بولدى

None
None
نۇر-سۇلتان. قازاقپارات - «ADAL» پارتياسىنىڭ ءتوراعاسى سەرىك سۇلتانعالي پارتيانىڭ AMANAT- قا قوسىلۋ شەشىمىن ءتۇسىندىردى، دەپ حابارلايدى قازاقپارات ءتىلشىسى.

«ADAL پارتياسىنىڭ AMANAT- قا قوسىلۋى ماعان دا وڭاي ەمەس. ءبىراق ءبىز بۇعان قاتىستى ەگجەي-تەگجەيلى ويلاندىق. كەشە مەملەكەت باسشىسىنىڭ جولداۋىن تىڭداۋعا دا قاتىستىق. سوسىن ءبىز ءبىراۋىزدان وسى شەشىمگە كەلدىك. جاسىراتىنى جوق، AMANAT پارتياسىن بارلىعى قولدايدى. الەۋمەتتىك سانات تا بۇرىننان وسى پارتيانى بىلەدى، قولدايدى»، - دەدى س. سۇلتانعالي پارتيانىڭ سەزىندە.

ونىڭ ايتۋىنشا، وبلىستاردىڭ فيليالدارىندا دا وتىرىس وتكىزىپ، بۇل شەشىمدى قولدادى. باستاپقىدا تۇسىنبەۋشىلىك تە بولعان ەكەن.

«ءبىراق تالقىلايتىن ەشقانداي سەبەپ جوق. AMANAT-قا قوسىلۋ ارقىلى الەۋەتىمىزدى ارتتىرا تۇسەمىز. ول پارتياعا قوسىلۋ پارتيامىزدىڭ باعدارلاماسىنداعى ماقساتقا جەتۋگە تەزىرەك مۇمكىندىك بەرەدى. سەبەبى ADAL-دىڭ ۇسىنىستارى جەتكىلىكتى. ءبىز اقىلمەن كەلە جاتقان پارتيامىز. ءبىزدىڭ بەدەلىمىز ەشقاشان تۇسپەيدى. حالىق ءبىزدى تۇسىنەدى. بىرىگۋ قاجەت. قازىر پارتيا اشۋعا جەڭىلدىكتەر بەرىلىپ جاتىر. ساياسي رەفورما دەپ وسىنى ايتادى. ەل پرەزيدەنتى زاڭدارعا وزگەرىس ەنگىزۋدى دە ايتتى. AMANAT پارتياسىنىڭ قۇرامىندا ءبىز بەلسەندى جۇمىستى اتقارا بەرەمىز»، - دەدى سەرىك سۇلتانعالي.

ونىڭ پايىمىنشا، پارتيالار بىرلەسىپ ودان ءارى كۇشەيە تۇسەدى. بۇدان بۇرىن حابارلانعانداي.

جاقىندا ADAL پارتياسىنىڭ ساياسي كەڭەسى پرەزيدەنتتىك Amanat پارتياسىنا قوسىلۋ تۋرالى شەشىم قابىلدادى.

اۆتور: رۋسلان عابباسوۆ


سوڭعى جاڭالىقتار