الاتاۋدا قار كوشۋى مۇمكىن

نۇر-سۇلتان.قازاقپارات - الماتى ماڭىنداعى تاۋلاردا قار كوشۋ قاۋپى كۇشەيىپ تۇر. سەبەبى وتكەن اپتادان بەرى قار ارالاس جاڭبىر جاۋدى.

بۇل تۋرالى «قازسەلدەنقورعاۋ» مەكەمەسىنىڭ ماماندارى حابارلادى. قازىر الاتاۋ بوكتەرىندەگى قاردىڭ قالىڭدىعى 1,5 مەترگە دەيىن جەتكەن. سوندىقتان الدىن الۋ جۇمىستارى ءجۇرىپ جاتىر. بۇگىن قاۋىپتى جەرلەردىڭ ءبىرى ەدەلۆەيس شاتقالىنىڭ قارى جارىلعىشپەن كوشىرىلدى. 44 مىڭ تەكشە مەتر اق ۇلپا ەتەككە ءتۇسىرىلدى. جالپى، شىمبۇلاق تاۋ- شاڭعى كۋرورتى ورنالاسقان كىشى الماتى سايىنداعى 165 جەردە كوشكىن ءجۇرۋ قاۋىپى بار ەكەن. كونۋس، اسۋ، ەدەلۆەيس، سارقىراما سىندى 18 ورىن وتە قاۋىپتى سانالادى دەيدى ماماندار.

سامات دالەنحانوۆ، «قازسەلدەنقورعاۋ» م م باسقارما باسشىسى:

- الماتى قالاسىنىڭ دەمالۋشىلارىنا، تۇرعىندارىنا ايتاتىنىمىز، تاۋلى ايماقتاردا ءالى دە قار كوشكىنى قاۋپى سەيىلگەن جوق. سوندىقتان تىكە بەتكەيلەرگە، ادام جۇرمەيتىن جەرلەرگە شىقپاۋىنا كەڭەس بەرەمىز.

www.24.kz