ەلوردادا باس سانيتاردىڭ جاڭا قاۋلىسى شىقتى
قاۋلىعى سايكەس كارانتين تالاپتارىنا وزگەرىس ەنگىزىلدى، دەپ حابارلايدى قازاقپارات ءتىلشىسى.
«5 جاسقا دەيىنگى بالالاردى قوسپاعاندا، سونداي-اق قوعامدىق تاماقتانۋ ورىندارىندا تاماق ءىشۋ جاعدايلارىن قوسپاعاندا حالىقتىڭ كەلۋىنە، قىزمەت كورسەتۋىنە جانە دەمالۋىنا ارنالعان ءۇي-جايلاردا، قوعامدىق كولىكتە؛ COVID-19 كۇدىكتى ادامعا كومەك كورسەتۋ كەزىندە دەنى ساۋ ادامدار؛ كوروناۆيرۋس ينفەكتسياسىنا ۇقساس اۋرۋدىڭ بەلگىلەرى (دەنە قىزۋىنىڭ كوتەرىلۋى، جوتەل، تۇشكىرۋ) بار ادامدار ماسكا تاعۋعا مىندەتتى»، - دەلىنگەن جاڭا قاۋلىدا.
سونداي-اق، باس سانيتار دارىگەر ەلوردادا نىساندارعا كىرۋدە «Ashyq» جوباسىن قولدانۋ جالعاسىن تاباتىنىن ەسكەرتتى.
«ەپيدەميولوگيالىق باعالاۋ ماتريتساسىنىڭ «جاسىل» جانە «سارى» ايماقتارىندا ورنالاسقان كەزدە وسى قاۋلىنىڭ 3.1-تارماعىندا كورسەتىلگەن وبەكتىلەردە «Ashyq» موبيلدى قوسىمشاسىن پايدالانۋ مىندەتتى ەمەس جانە قىزمەتىن شەكتەمەي، سۋبەكتىنىڭ شەشىمى بويىنشا ەرىكتى تۇردە جۇزەگە اسىرىلۋى مۇمكىن»، - دەلىنگەن رەسمي قۇجاتتا.
ودان بولەك، جاڭا قاۋلىدا قالا تۇرعىندارى اراسىندا ۆاكتسيناتسيا جانە ريەۆاكتسيناتسيا پروتسەسىن باقىلاۋدى كۇشەيتۋ كەرەكتىگى ايتىلعان.
تولىعىراق مىنا سىلتەمەدە تانىسۋعا بولادى. اتالمىش قاۋلى بۇگىننەن باستاپ كۇشىنە ەنەدى.