مەملەكەت باسشىسى ءبىرقاتار وبلىستىڭ اكىمدەرىن قابىلدادى

پرەزيدەنت قاراعاندى وبلىسىنىڭ اكىمى جەڭىس قاسىمبەكتى، شىعىس قازاقستان وبلىسىنىڭ اكىمى دانيال احمەتوۆتى، الماتى وبلىسىنىڭ اكىمى قانات بوزىمبايەۆتى، جامبىل وبلىسىنىڭ اكىمى بەردىبەك ساپاربايەۆتى، شىمكەنت قالاسىنىڭ اكىمى مۇرات ايتەنوۆتى، قوستاناي وبلىسىنىڭ اكىمى ارحيمەد مۇحامبەتوۆتى، اقتوبە وبلىسىنىڭ اكىمى وڭداسىن ورازاليندى جانە اقمولا وبلىسىنىڭ اكىمى ەرمەك مارجىقپايەۆتى قابىلدادى.

قاسىم-جومارت توقايەۆقا ايماقتاردا بىلتىرعى اتقارىلعان جۇمىستار مەن 2022-جىلدىڭ العاشقى ەكى ايىنداعى دامۋ كورسەتكىشتەرى تۋرالى باياندالدى.

اكىمدەر اتالعان وبلىستارعا جانە شىمكەنت قالاسىنا قاتىستى مەملەكەت باسشىسىنىڭ بەرگەن تاپسىرمالارىنىڭ ورىندالۋ بارىسى جونىندە مالىمەت بەردى.

پرەزيدەنت حالىقپەن ءجيى كەزدەسۋدىڭ، قوعامدىق قابىلداۋلاردى تۇراقتى وتكىزۋدىڭ ماڭىزدىلىعىن اتاپ ءوتىپ، وڭىرلەردىڭ باسشىلارىنا تۇرعىنداردى مازالاعان ماسەلەلەردى ۋاقتىلى شەشۋ قاجەت ەكەنىن ايتتى.

قاسىم-جومارت توقايەۆ كوكتەمگى ەگىس ناۋقانىنا دايىندىق جۇمىستارىن كۇشەيتۋدى جانە وڭىرلەردە جۇزەگە اسىرىلىپ جاتقان جوبالاردى جالعاستىرۋدى تاپسىردى.