ەۋروپا وداعىنىڭ قازاقستانداعى ەلشىسى: جولداۋدا ءسوز بولعان رەفورمالاردى قولدايمىز
«بۇل جولداۋ وتە وزەكتى. بۇگىنگى جولداۋدان كەڭەيتىلگەن ساياسي باعدارلامانى ەستىدىك. تەك ساياسي رەفورما عانا ەمەس، پرەزيدەنت توقايەۆتىڭ جىل باسىندا ايتقان الەۋمەتتىك-ەكونوميكالىق رەفورمالاردى تولىقتىرعانىن كوردىك. ءبىز وسى رەفورمالاردىڭ ءبارىن تولىق قولدايمىز. ولار وتە ءتيىمدى بولۋى مۇمكىن»، - دەيدى كەستۋتيس يانكاۋسكاس.
ديپلومات مەملەكەت باسشىسىنىڭ باسقا ۇسىنىستارىنا دا توقتالدى.
«ءبىز دەموكراتيالاندىرۋ ۇدەرىستەرىنىڭ جالعاساتىنىن، مەملەكەتتىك بيلىكتى ورتالىقسىزداندىرۋ جونىندەگى ۇسىنىستاردى ەستىدىك. سونداي-اق، ب ا ق- تاعى ءسوز بوستاندىعى مەن ساياسي پارتيالاردى تىركەۋدى وڭايلاتۋ جاعى ءسوز بولدى. جاڭا قاۋىمداستىق قۇرۋ ەشقاشان كەش ەمەس. ءبىز ءوز تاجىريبەمىزدە قوعامدى نولدەن باستاپ وزگەرتپەي-اق قۇرۋعا بولاتىنىن كوردىك. ەۋروپالىق وداق وكىلى رەتىندە ءبىز پرەزيدەنتتىڭ ەۋروپانى بىرنەشە رەت جاقسى ۇلگى رەتىندە اتاپ وتكەنىنە قۋانىشتىمىز. ءبىز مۇنى قۇپتايمىز. سونداي-اق، ەۋروپا قاۋىپسىزدىك جانە ىنتىماقتاستىق ۇيىمىنىڭ سايلاۋ ساياساتىنا قاتىستى ستاندارتتارى دا ايتىلدى»، - دەيدى ەلشى.