سارى وزەك- كوكتال كۇرە جولى ەكى كۇنگە جابىلادى

تالدىقورعان. قازاقپارات- الماتى وبلىسىندا رەسپۋبليكالىق ماڭىزى بار سارى وزەك- كوكتال جولى ەكى كۇنگە جابىلادى. بۇل باعىتتا كۇردەلى جوندەۋ جۇمىستارى جۇرگىزىلۋدە، دەپ حابارلايدى قازاقپارات ءتىلشىسى.

«رەسپۋبليكالىق ماڭىزى بار «سارى وزەك - كوكتال» اۆتوجولىنىڭ 45-68 شاقىرىمىندا 17-18- ناۋرىز كۇندەرى ارالىعىندا وندىرىستىك قاجەتتىلىككە بايلانىستى بۇرعىلاۋ- جارۋ جۇمىستارى جۇرگىزىلەتىن بولادى. وسىعان بايلانىستى، اۆتوموبيل جولىنىڭ وسى ۋچاسكەسى بارلىق اۆتوكولىك تۇرلەرى ءۇشىن جابىق بولادى. الماتى وبلىسىنىڭ ت ج د ازاماتتاردان وسى باعىتتا جول جۇرۋدەن باس تارتۋدى، سونداي- اق 112 قىزمەتى بەرەتىن س م س حابارلامالاردى نازاردان تىس قالدىرماۋدى سۇرايدى.

داۋىل تۋرالى ەسكەرتۋلەر مەن وزگە دە شۇعىل اقپارات الۋ ءۇشىن «دارمەن» تەگىن موبيلدى قوسىمشاسىن جۇكتەۋگە بولادى»، - دەلىنگەن الماتى وبلىسى توتەنشە جاعدايلار دەپارتامەنتىنىڭ باسپا ءسوز قىزمەتىنىڭ حابارلاماسىندا.