پلانەتادا جويقىن گەوساياسي داۋىل باستالدى - قاسىم- جومارت توقايەۆ
«قازىرگى ۋاقىتتا پلانەتادا جويقىن گەوساياسي داۋىل باستالدى. سوندىقتان ءبىز ەگەمەندىكتى جانە مەملەكەتتىڭ اۋماقتىق تۇتاستىعىن قورعاۋعا، حالقىمىزدىڭ تۇپكى مۇددەلەرىن قامتاماسىز ەتۋگە باعىتتالعان ستراتەگيالىق باعىتتى ۇستانۋىمىز كەرەك. مىنە، ەڭ ماڭىزدى مىندەت وسى. ءبىز ءوزىمىزدىڭ باستى يگىلىگىمىز - تاۋەلسىزدىگىمىزدى ساقتاۋعا، ۇلتتىق بىرەگەيلىك نەگىزدەرىن نىعايتۋعا، ەلىمىزدى ترانسفورماتسيالاۋعا جۇمىلۋىمىز كەرەك. بۇل ءبىزدىڭ بولاشاق ۇرپاق الدىنداعى قاسيەتتى پارىزىمىز»، - قاسىم- جومارت توقايەۆ.
ءوز سوزىندە پرەزيدەنت قازىر ساياسي توسقاۋىلداردى كوتەرەتىن، ءار سەبەپ بويىنشا ميتينگىلەر ۇيىمداستىرىپ، كۇماندى شەشىمدەردى تالاپ ەتىپ، ءۇزىلدى- كەسىلدى تالاپتار قوياتىن، ءوز مىندەتتەرىن ورىندايتىن پوليتسيا قىزمەتكەرلەرىنە باس سالاتىن كەز ەمەستىگىن ايتتى.
«قاڭتارداعى قايعىلى وقيعالار ءبىزدىڭ ەلىمىزدىڭ بەدەلىنە ايتارلىقتاي نۇقسان كەلتىردى. مۇنى مويىنداۋ كەرەك. رەتسىز ساياسي رەفورمالار مەملەكەتتىڭ السىرەۋىنە، ونىڭ ەگەمەندىگى مەن تۇتاستىعى ءۇشىن اۋىر زارداپتارعا اكەلۋى مۇمكىن. بۇعان الەم تاريحىنداعى بۇرىننان كەلە جاتقان جانە جاقىندا بولعان كوپتەگەن مىسالدار بار: كەي ەلدەر ءوز تەرريتورياسىنىڭ ۇلكەن بولىگىن جوعالتتى، حاوس پەن انارحيانىڭ يىرىمىنە باتتى. جاڭا قازاقستاندى قۇرۋ باعىتى ەلدىڭ دامۋ پاراديگماسىن وزگەرتۋگە باعىتتالعان. ءبىز ءار قادامدى ويلاستىرىپ، بەلگىلەنگەن جولمەن نىق جۇرەمىز. جاڭا قازاقستاندا «ءتۇرلى كوزقاراستار، ءبىراق ءبىرتۇتاس ۇلت» پىكىرىن ۇستانۋىمىز كەرەك»، - دەدى ق. توقايەۆ.
اۆتور: ايجان سەرىكجان قىزى
