الماتى وبلىسىنىڭ ەكىگە ءبولىنۋى كوپتەگەن ەكونوميكالىق، الەۋمەتتىك ماسەلەلەردى شەشەدى – دەپۋتات

None
None
تالدىقورعان. قازاقپارات - پرەزيدەنت ەلىمىزدەگى ءىرى ايماق الماتى وبلىسىن ەكىگە ءبولۋ ارقىلى كوپتەگەن ەكونوميكالىق جانە الەۋمەتتىك ماسەلەلەردى شەشەدى.

الماتى وبلىستىق ءماسليحاتىنىڭ حاتشىسى، دەپۋتات جانبولات جورگەنبايەۆ وسىنداي پىكىر ءبىلدىردى، دەپ حابارلايدى قازاقپارات ءتىلشىسى.

الماتى قالاسى ماڭىنداعى اۋدانداردا حالىق سانىنىڭ ءوسۋى، ولاردىڭ وبلىس ورتالىعى تالدىقورعانعا كەلىپ- كەتۋى كوپتەگەن قولايسىزدىقتار تۋدىرۋدا. سوندىقتان جەتىسۋ وبلىسىن قۇرىپ، ورتالىعىن تالدىقورعان ەتىپ، الماتى وبلىسىنىڭ ورتالىعىن قاپشاعاي قالاسىنا كوشىرۋ ۇتىمدى شەشىم دەيدى وبلىستىق ءماسليحات اپپاراتىنىڭ وكىلدەرى.

پرەزيدەنت جولداۋىن تىڭداعان قاۋىم ايماققا جاڭا ينۆەستيتسيالار تارتىلىپ، شالعاي اۋدانداردى قالپىنا كەلتىرۋ ارقىلى جەتىسۋ وڭىرىنە تىڭ سەرپىن بەرىلەدى دەگەن پىكىردە.

«تالدىقورعان وڭىرىنە جاڭا جۇمىس ورىندارىن اشۋ ماسەلەسىن، ينۆەستورلاردى تارتۋ ماسەلەسى سياقتى ءبىر كەشەندى جوسپارلار دايىندالىپ جاتىر. ونىڭ بارىنە ارينە ۋاقىت كەرەك. كوش جۇرە تۇزەلەدى دەيدى. جاسالىپ جاتقان شارالاردىڭ بارلىعى ىسكە اسىپ جاتقاندا ارينە بولاشاق جەتىسۋ ءوڭىرى دە جاقسى ءبىر ۇلكەن وبلىستاردىڭ ءبىرى بولادى دەپ ەسەپتەيمىن»، - دەدى الماتى وبلىستىق ءماسليحاتىنىڭ حاتشىسى جانبولات جورگەنبايەۆ.

اۆتور: سامال قابىشيەۆا

سوڭعى جاڭالىقتار