ايەلدەر مەن بالالارعا زورلىق- زومبىلىق ءۇشىن جازانى قاتاڭداتۋدى قاراستىرۋ كەرەك - پرەزيدەنت
«قوعامداعى زورلىق- زومبىلىق دەڭگەيىن تومەندەتۋ ءۇشىن جۇيەلى شارالار قابىلداۋ قاجەت. بۇل تۇرعىدا وتباسى- تۇرمىستىق قاتىناستار سالاسىنداعى قۇقىقبۇزۋشىلىقتارعا قارسى ءتيىمدى شارالار ۇلكەن ءرول اتقارادى. بۇگىندە ازاماتتار مەن قوعام بەلسەندىلەرى ايەلدەر مەن بالالارعا قاتىستى زورلىق- زومبىلىق ءۇشىن جازانى قاتاڭداتۋ قاجەتتىگىن ءجيى كوتەرىپ ءجۇر. بۇرىن مەن وسىنداي قۇقىقبۇزۋشىلىقتاردى كريميناليزاتسيالاۋدىڭ ورىندىلىعىن انىقتاۋعا نۇسقاۋ بەرگەن بولاتىنمىن. باس پروكۋراتۋراعا وسى ماسەلەنى جان-جاقتى زەردەلەپ، شەشۋدى تاپسىرامىن»، - دەدى قاسىم- جومارت توقايەۆ.
بۇعان دەيىن قاسىم-جومارت توقايەۆ قازاقستان حالقىنا جولداۋىندا كونستيتۋتسيالىق سوت قۇرۋدى ۇسىنعان ەدى. وندا باس پروكۋرور مەن ادام قۇقىعى جونىندەگى ۋاكىلگە دە كونستيتۋتسيالىق سوتقا جۇگىنۋ مۇمكىندىگىن بەرۋدى ۇسىندى. سونىمەن بىرگە، پرەزيدەنت ازاپتاۋمەن بايلانىستى قىلمىستاردى باس پروكۋراتۋراعا جۇكتەۋدى ۇسىندى.
