ۆيرۋسولوگ كوروناۆيرۋس قاشان اياقتالاتىنىن ايتتى

None
None
نۇر-سۇلتان.قازاقپارات - ماۋسىم ايىنا قاراي COVID-19 تارالۋى باسەڭدەيدى، سودان كەيىن كوروناۆيرۋس پاندەمياسى اياقتالۋى مۇمكىن، دەيدى گامالەيا ورتالىعىنىڭ باس عىلىمي قىزمەتكەرى، ۆيرۋسولوگ، مەديتسينا عىلىمدارىنىڭ دوكتورى، پروفەسسور اناتولي التشتەين. بۇل تۋرالى Lenta.ru جازدى.

الشتەيننىڭ ايتۋىنشا، الەمدە COVID-19 ۆيرۋسىنىڭ تارالۋ قارقىنى بىرتىندەپ تومەندەپ كەلەدى. كوروناۆيرۋسقا قاتىستى جاعدايءقازىر ەكى جىل بۇرىنعىدان مۇلدە باسقاشا، سوندىقتان ىندەت جاقىن ارادا جويىلادى، دەپ ەسەپتەيدى ۆيرۋسولوگ.

«بىزدە ەكپە العان ادامدار وتە كوپ. 50 پايىزدان استام ادامعا ۆاكسينا ەگىلگەن. جالپى، ىندەت اياقتالادى. ماۋسىمعا دەيىن ۆيرۋس جۇعۋ كورسەتكىشى تومەندەيدى»، - دەدى اناتولي الشتەين.

بۇعان دەيىن ق ر دەنساۋلىق ساقتاۋ مينيسترلىگى قازاقستاندا كوروناۆيرۋسپەن ەكى جىلدىق كۇرەستىڭ قورىتىندىسىن شىعارعان بولاتىن. ەكى جىل ىشىندە قازاقستاندىقتار 1 ايدان 3 ايعا دەيىن سوزىلعان سىرقاتتانۋشىلىقتىڭ بەس ەتاپىن باستان وتكەردى.

جالپى، 10,3 ميلليون ادام - رەسپۋبليكاداعى جالپى حالىقتىڭ جارتىسىنان استامى I كومپونەنتپەن، 9,7 ميلليون ​​ادام - Ⅱ كومپونەنتپەن ەگىلدى. 2,9 ميلليون ادام قايتا ۆاكسيناتسيالاندى.

قازىرگى ۋاقىتتا بارلىق دەرلىك شەكتەۋ شارالارى الىنىپ تاستالدى، ەپيدەميولوگيالىق جاعدايعا سايكەس بارلىق وڭىرلەر «جاسىل» ايماقتا تۇر.

اقپارات دەرەككوزى: https://massaget.kz

سوڭعى جاڭالىقتار