22:58, 15 - ناۋرىز 2022 | GMT +6
كونتەينەر تاسۋشى كەمە ا ق ش جاعالاۋىندا قايىرلاپ قالدى
گونكونگ. قازاقپارات - تايۆاننىڭ Evergreen Marine كورپوراتسياسى باسقاراتىن ۇزىندىعى 334 مەترلىك Ever Forward كونتەينەر تاسۋشى كەمەسى ا ق ش- تىڭ شىعىس جاعالاۋىندا قايىرلاپ قالدى.
بۇل تۋرالى قازاقپارات تايۆاننىڭ ورتالىق اقپارات اگەنتتىگىنە سىلتەمە جاساپ حابارلايدى.
كەمە قاتىناسى كومپانياسىنىڭ مالىمەتىنشە، وقىس وقيعا گيبسون ارالىنىڭ جانىنداعى چەساپيك شىعاناعىندا، كەمە بالتيمور پورتىنان شىققاننان كەيىن بولعان.
وپەراتور كەمەنىڭ ءتۇبى مەن كورپۋسىنىڭ جاعدايىن تەكسەرۋ ءۇشىن سۇڭگۋىرلەردى پايدالانباقشى.
ازىرگە اكۆاتورياعا جانارمايدىڭ اققان بەلگىلەرى جوق. قازىرگى ۋاقىتتا كومپانيا ا ق ش بيلىگىمەن بىرگە قايىرلاپ قالعان كەمەنى مۇمكىندىگىنشە تەزىرەك شىعارۋ جۇمىستارىن جۇرگىزىپ جاتىر.
