قازاقستاندا اسىراۋشىسىنان ايىرىلعان ءار وتباسىنا قانشا جاردەماقى تولەنەدى

نۇر-سۇلتان. قازاقپارات - قازاقستاندىقتارعا جىل باسىنان بەرى مۇگەدەكتىك جانە اسىراۋشىسىنان ايىرىلۋ جاعدايى بويىنشا جاردەماقى تۇرىندە 69,3 ميلليارد تەڭگەدەن استام قاراجات تولەندى، دەپ حابارلايدى قازاقپارات.
None
None

1- ناۋرىزداعى جاعداي بويىنشا قازاقستاندىقتارعا مۇگەدەكتىك جانە اسىراۋشىسىنان ايىرىلۋ بويىنشا جاردەماقى تۇرىندە 69,3 ميلليارد تەڭگەدەن استام قاراجات تولەندى.

ونىڭ ىشىندە 2022-جىلدىڭ اقپان ايىندا رەسپۋبليكالىق بيۋجەتتەن مۇگەدەكتىگى بويىنشا مەملەكەتتىك الەۋمەتتىك جاردەماقى تولەۋگە 27,3 ميلليارد تەڭگە، اسىراۋشىسىنان ايىرىلۋ جاعدايىنا بايلانىستى 7,4 ميلليارد تەڭگە جۇمسالدى.

2022-جىلعى 1- ناۋرىزداعى جاعداي بويىنشا مۇگەدەكتىك بويىنشا مەملەكەتتىك الەۋمەتتىك جاردەماقى الۋشىلاردىڭ سانى 527,4 مىڭ ادامدى، اسىراۋشىسىنان ايىرىلۋ جاعدايى بويىنشا 171,9 مىڭ ادامدى قۇرايدى.

مۇگەدەكتىك جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقى مولشەرى مۇگەدەكتىك توبىنا جانە سەبەبىنە، قايتىس بولعان (قازا تاپقان) اسىراۋشىنىڭ اسىراۋىنداعى ادامدار سانىنا، سونداي-اق ءتيىستى قارجى جىلىنا ارنالعان «رەسپۋبليكالىق بيۋجەت تۋرالى» زاڭىندا بەلگىلەنەتىن ەڭ تومەن كۇنكورىس دەڭگەيىنىڭ شاماسىنا بايلانىستى بولادى.

2022-جىلعى 1- ناۋرىزداعى جاعداي بويىنشا مۇگەدەكتىك جونىندەگى مەملەكەتتىك الەۋمەتتىك جاردەماقىنىڭ ورتاشا مولشەرى - 51731 تەڭگە، اسىراۋشىدان ايىرىلۋ جاعدايىندا - 43268 تەڭگە.

سوڭعى جاڭالىقتار