ءاليحان سمايىلوۆ ە ق د ب ۆيتسە-پرەزيدەنتىمەن كەلىسسوز جۇرگىزدى
كەزدەسۋ بارىسىندا قازاقستان مەن ە ق د ب اراسىندا ءبىرقاتار باعىتتاعى ىنتىماقتاستىقتى دامىتۋ، ونىڭ ىشىندە ينۆەستيتسيالار تارتۋ جانە ەكولوگيا ماسەلەلەرى بويىنشا بىرلەسكەن جوبالاردى ىسكە اسىرۋ جايى قارالدى.
اتاپ ايتقاندا، تاراپتار ە ق د ب- نىڭ قازاقستانداعى 2021-جىلعى قىزمەتىنىڭ قورىتىندىلارى مەن 2022-جىلعا ارنالعان اعىمداعى جوسپارلارىن تالقىلادى. قازاقستان ۇكىمەتى مەن بيزنەسى ينفراقۇرىلىمدىق جوبالار بويىنشا، قارجى، مۋنيتسيپالدىق، كورپوراتيۆتىك سەكتورلار ارقىلى ش و ب- تى قولداۋ بويىنشا ە ق د ب- مەن بەلسەندى ىنتىماقتاستىق ورناتقان.
«ءبىز ە ق د ب- مەن ءوزارا ءىس-قيمىلدىڭ ستراتەگيالىق سيپاتىن جوعارى باعالايمىز. بيىل قازاقستان مەن ە ق د ب ىنتىماقتاستىقتىڭ 30 جىلدىعىن اتاپ وتۋدە. وسى كەزەڭدە ءبىز ەكونوميكانىڭ ءارتۇرلى سالالارىندا $10 ميلليارد استام سوماعا شامامەن 300 جوبانى تابىستى جۇزەگە اسىردىق»، - دەدى ءا. سمايىلوۆ.
ءوزارا ىنتىماقتاستىق ە ق د ب- نىڭ قازاقستان ءۇشىن 2022-2026-جىلدارعا ارنالعان جاڭا ەلدىك ارىپتەستىك ستراتەگياسى اياسىندا جالعاساتىن بولادى. قۇجات جەكە كاسىپكەرلىكتىڭ باسەكەگە قابىلەتتىلىگىن ارتتىرۋ، جاسىل ساياساتتى جانە كومىرتەكتى بەيتاراپتىقتى قولداۋ، سونداي-اق جەكە سەكتوردىڭ قاتىسۋى ارقىلى ەكونوميكالىق ينتەگراتسياعا جانە گەندەرلىك تەڭدىككە جاردەمدەسۋ سەكىلدى ماسەلەلەر بويىنشا تاراپتاردىڭ ءوزارا ءىس-قيمىلىن قامتيدى.
«بۇگىندە الەمنىڭ ءىرى ەكونوميكالارىنىڭ دەكاربونيزاتسياسىنىڭ تۇراقتى ترەندى بايقالادى. كومىرتەكتىك بەيتاراپتىق جانە كومىردەن باس تارتۋ جونىندەگى ماقساتتارى تۋرالى مالىمدەگەن ەلدەردىڭ سانى جىل سايىن ارتىپ كەلەدى. سونداي-اق قازاقستان «جاسىل» دامۋدىڭ الەمدىك ترەندتەرىن بەلسەندى تۇردە ۇستانادى»، — دەدى ق ر پرەمەر-ءمينيسترى.
ءوز كەزەگىندە الان پيۋ قازاقستاندا ىسكە اسىرىلىپ جاتقان رەفورمالاردى جوعارى باعالاپ، كوپتەگەن ماسەلەلەر بويىنشا ەكىجاقتى ىنتىماقتاستىقتى كەڭەيتۋگە مۇددەلىلىگىن ءبىلدىردى.
