پاراليمپيادا جۇلدەگەرى الەكساندر گەرليتس «قازاقستاننىڭ ەڭبەك سىڭىرگەن سپورت شەبەرى» اتاندى
سپورتشىعا توسبەلگىنى ق ر پرەمەر-ءمينيسترىنىڭ ورىنباسارى ەرالى توعجانوۆ تابىستادى.
سالتاناتتى ءىس-شاراعا ق ر مادەنيەت جانە سپورت ءمينيسترى داۋرەن ابايەۆ، «قازاقستان رەسپۋبليكاسىنىڭ ۇلتتىق پاراليمپيادا كوميتەتى» ق ب باس حاتشىسى ەرلان سۇلەيمەنوۆ جانە پاراليمپيادا قۇراماسىنىڭ باس باپكەرى ۆاسيلي كولوميەتس قاتىستى.
«قازاقستاننىڭ بارلىق پاراليمپيادا قۇراماسىنا وسىنداي جەتىستىك ءۇشىن العىس ايتقىم كەلەدى. سىزدەر كەرەمەت ناتيجە كورسەتتىڭىزدەر. قايسارلىق پەن تاباندىلىقتارىڭىزدىڭ ارقاسىندا ءبىزدىڭ ەلىمىز وسى ويىنداردا لايىقتى ونەر كورسەتتى. بۇل ناتيجەنىڭ سوڭىندا سپورتشىلاردىڭ وزدەرىنە جانە ولاردىڭ جاتتىقتىرۋشىلارىنا عانا بەلگىلى وراسان زور ەڭبەك جاتىر»، - دەدى ەرالى توعجانوۆ.
پرەمەر-ءمينيستردىڭ ورىنباسارى بۇقارالىق سپورتتى دامىتۋ جانە ينكليۋزيۆتى ورتانى قۇرۋ ماسەلەلەرىنە ەرەكشە نازار اۋداردى، ونىڭ ايتۋىنشا، بۇل ماسەلەلەر مەملەكەت باسشىسىنىڭ جەكە باقىلاۋىندا.
ەرالى توعجانوۆ مەملەكەت تاراپىنان سپورتتى دارىپتەۋ ءۇشىن بارلىق قاجەتتى جاعدايلاردى جاساۋدىڭ جالعاساتىندىعىن جەتكىزدى.
«الەكساندر وزىنە جۇكتەلگەن جوعارى سەنىمدى اقتادى. ءسىزدىڭ جەتىستىكتەرىڭىز-مىقتى رۋحاني جىگەردىڭ جارقىن ۇلگىسى. ءبىزدى الداعى جارىستارعا دايىندىق بويىنشا ۇلكەن جۇمىس كۇتىپ تۇرعانىن اتاپ وتكىم كەلەدى. ءبىز وسى پاراليمپيادادا جوعارى ناتيجەلەر كورسەتكەن ق ح ر مەن ۋكراينانىڭ تاجىريبەسىن مۇقيات زەردەلەيمىز»، - دەدى داۋرەن ابايەۆ.
سونداي-اق، سالالىق مەكەمە باسشىسى سپورتشىلاردىڭ جەتىستىكتەرىنە پاراليمپيادا كوميتەتىنىڭ قوسقان ۇلەسى تۋرالى دا بايانداپ بەردى. ءوز كەزەگىندە الەكساندر گەرليتس قازاقستاندىقتارعا قولداۋ كورسەتكەنى ءۇشىن العىس ايتىپ، قۇرامانىڭ بارلىق جاتتىقتىرۋشىلار شتابىنىڭ ۇيلەسىمدى جانە كاسىبي جۇمىسىن اتاپ ءوتتى.
ەستەرىڭىزگە سالا كەتەيىك، XIII قىسقى پاراليمپيادا 2022-جىلعى 4-13- ناۋرىز ارالىعىندا بەيجىڭدە ءوتتى.
وعان الەمنىڭ 50 ەلىنەن 700-دەن استام سپورتشى قاتىستى. قازاقستان قۇراماسى ءبىر قولا مەدالمەن 17-ورىنعا تابان تىرەدى.
ۇلتتىق پاراليمپيادا قۇراماسىنا 5 سپورتشى كىردى: ەربول حاميتوۆ، الەكساندر گەرليتس، سەرگەي ۋسولتسيەۆ، يۋري بەرەزين جانە دەنيس پەترەنكو.
