جانىبەك ءالىمحان ۇلىنا جاڭا قارسىلاس نەگە قاۋىپتى ەكەنى ايتىلدى

None
None
نۇر-سۇلتان. قازاقپارات - World Boxing News پورتالىنىڭ رەداكتورى فيل دجەي Vesti.kz تىلشىسىنە بەرگەن سۇحباتىندا قازاقستاندىق جانىبەك ءالىمحان ۇلىنىڭ (11-0، 7 ك و) WBO تيتۋلى ءۇشىن جاڭا قارسىلاسىنا قاتىستى ويىن ايتتى.

بريتانيالىق دەنني ديگنۋم مەكسيكالىق حايمە مۋنگيانىڭ ورنىن باسىپ، قازاق بوكسشىعا جاڭا قارسىلاس رەتىندە بەلگىلەندى.

«دەنني ديگنۋم - اتاقتى بوكسشى ەمەس. كارەراسى جارق ەتكەن دەۋگە كەلمەيدى، ءبىراق، ول بۇدان بيىك دەڭگەيگە جەتە الادى. بريتانيالىقتىڭ تەحنيكالىق داعدىلارى وتە جاقسى. ول ازىرگە ءوزىن تولىق كورسەتەتىن مۇمكىندىك العان جوق، ايتپەسە قازىرگى جەتىستىگىنەن ارتتىققا لايىق.

الىمحان ۇلىمەن ايقاس وتە قاۋىپتى سياقتى. قازاقستاندىق بوكسشى ءوزىن بۇرىنعى چەمپيوندارمەن ايقاستاردا دالەلدەگەن. بۇل جەكپە-جەكتە ونىڭ باسىمدىعى بار، ءبىراق، ديگنۋمدى ەسەپتەن شىعارىپ تاستاۋعا بولمايدى. ونىڭ قاعيداعا بەرىكتىگى مەن كۇش-جىگەرى ءالىمحان ۇلىنا قاۋىپتى بولۋى مۇمكىن»، - دەيدى دجەي.

سوڭعى جاڭالىقتار