الماتىدا اۆتوبۋس ىشىندە ايەلگە پىشاق الا ۇمتىلعان جىگىت ۆيدەوعا ءتۇسىپ قالدى

الماتى. قازاقپارات- الماتىدا قولىندا پىشاعى بار جىگىت اۆتوبۋسقا كىرىپ، ءبىر ايەلگە قاراي ۇمتىلعان. ونىڭ شابۋىل جاساعان ءساتىنىڭ ۆيدەوسى الەۋمەتتىك جەلىدە جاريالاندى، دەپ حابارلايدى قازاقپارات ءتىلشىسى.

ۆيدەودان كورىنىپ تۇرعانداي، قوعامدىق كولىكتەگى بىرنەشە ادام اشۋلى جىگىتتى توقتاتۋعا تىرىستى. سەبەبى، ونىڭ قولىندا پىشاق بولدى. پىشاق ۇستاعان جىگىت ايەلدەن ءوزىنىڭ ۇرى ەكەنىن دالەلدەۋدى تالاپ ەتىپ، اۆتوبۋستا شۋ شىعاردى.

«ءبىز اۆتوبۋسقا وتىردىق، كەنەتتەن ءبىر ايەل اۆتوبۋسقا جۇگىرىپ كىردى. ونىڭ ارتىنان پىشاقپەن ەر ادام جۇگىرىپ كىردى. ايەل جىگىتتىڭ ونىڭ ۇيالى تەلەفونىن ۇرلاعانىن ايتىپ، ايعايلايدى. ەر ادام پىشاعىمەن قورقىتا باستادى. اۆتوبۋستىڭ ءىشى ازان- قازان بولدى. اۆتوبۋسقا پىشاقپەن كىرگەن بۇل جىگىتتى قوعامنان وقشاۋلاۋ كەرەك»، - دەدى وقيعا كۋاگەرى.

پوليتسيا بۇل كەلەڭسىز جاعداي بويىنشا ءالى ەشكىم ارىز بەرمەگەنىن، ءبىراق الەۋمەتتىك جەلىدە جاريالانعان بۇل وقيعاعا قاتىسى بارلار ىزدەستىرىلىپ جاتقانىن حابارلادى.

«بارلىق اۋداندار پوليتسيا باسقارماسىنىڭ ورتالىعى بازاسىن تەكسەردى، 102 پۋلتىنە ەشقانداي سيگنال تۇسكەن جوق. الايدا، پوليتسيا دەپارتامەنتىندە وتكەن اپتادا، ياعني، ۆيدەو العاش رەت الەۋمەتتىك جەلىلەردە جاريالانعان كەزدە، تەكسەرۋ شارالارى تاعايىندالدى. قالانىڭ كريمينالدىق پوليتسياسى شىنىمەن نە بولعانى جانە ۆيدەوداعى ەر ادامنىڭ كىم ەكەنىن انىقتاۋ ءۇشىن وقيعانىڭ بارلىق حرونولوگياسىن جاساۋدا»، - دەدى الماتى قالالىق پوليتسيا دەپارتامەنتىنىڭ رەسمي وكىلى سالتانات ازىربەك.

اۆتور: دۋمان ارعىنگەلدى

https://vk.com/video-166484109_456239588